წყარო 1811-1917წწ ეგზარქოსობისდროინდელი იმერეთის ეკლესიები და მღვდლები, ავტ. მერაბ კეზევაძე სრული სია 

1100-ზე მეტი წმიდა გიორგის ტაძარი საქართველოში, მოგვაწოდეთ რაც, გამოგვრჩა.

აბესაძე ივლიანე ალფეზის ძე 1886-1898წწ ზოვრეთის წმ. გიორგის ეკლესია. ზესტაფონი 1898-1917წწ ქუთაისის მაცხოვრის ამაღლების (საფიჩხიის) ეკლესია

1905 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, ქუთაისის სკოლის პედაგოგი, მღვდელი ივლიანე ალფეზის ძე აბესაძე 47 წლის იყო. ჰყავდა ცხრა შვილი.

1905 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, მღვდელმა ივლიანე ალფეზის ძე აბესაძემ დაამთავრა თბილისის სასულიერო სემინარია.

1905 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, მღვდელი ივლიანე აბესაძე ქუთაისის სკოლაში ექვსი წელი ასწავლიდა და მისი ხელფასი 600 მანეთს შეადგენდა.

1906 წელს მღვდელმა ივლიანე ალფეზის ძე აბესაძემ თბილისის სასულიერო სემინარია დაამთავრა.

ივლიანე აბესაძე დაიბადა 1861 წელს იმერეთში მედავითნის ოჯახში. პირველდაწყებითი განათლების მიღების შემდეგ მამამ ქუთაისის სასულიერო სასწავლებელში მიაბარა, რომელიც 1880 წელს დაამთავრა და სწავლა განაგრძო თბილისის სასულიერო სემინარიაში.

1886 წელს იმერეთის ეპისკოპოსმა გაბრიელმა ივლიანე დიაკვნად აკურთხა, ცოტა ხანში კი მღვდლად დაასხა ხელი და ზოვრეთის წმინდა გიორგის სახელობის ეკლესიის წინამძღვრად დანიშნა.

1887 წელს მეუფე გაბრიელმა შორაპნის მაზრის ჩხარის ოლქის მთავარხუცესად დაადგინა. 1889 წელს საგვერდულით დააჯილდოვეს, 1892 წლის ივნისში სკუფია, ხოლო 1896 წელს კამილავკა ეწყალობა.

1898 წელს მთავარხუცესი ივლიანე ქუთაისის საფიჩხიის მაცხოვრის ამაღლების სახელობის ეკლესიის წინამძღვრად გადაიყვანეს. 1906 წლის აღდგომის ბრწყინვალე დღესასწაულზე მამა ივლიანეს დეკანოზის წოდება მიენიჭა.

1917–1918 წლებში დეკანოზი ივლიანე ქუთაისის ეკლესიების მთავარხუცესი გახლდათ. იგი, როგორც იმერეთის ეპარქიის დელეგატი ესწრებოდა I, II და IV საეკლესიო კრებებს.

კომუნისტური რეჟიმის უმძიმეს პერიოდში, როდესაც მრავალმა სასულიერო პირმა ანაფორა გაიხადა და ეკლესიაში მსახურება მიატოვა, მამა ივლიანე ძველებური შემართებითა და უფლის სიყვარულით განაგრძობდა თავისი მოვალეობის შესრულებას, ანუგეშებდა საფიჩხიის მაცხოვრის ამაღლების სახელობის ტაძრის მრევლს და ერთგულად ემსახურებოდა დედა ეკლესიას. XX საუკუნის 20–იან წლებში ღვაწლმოსილი  დეკანოზი  ენქერით დაჯილდოვდა.

შემორჩენილია დეკანოზ ივლიანეს წარმოთქმული რამდენიმე ქადაგება. ერთ–ერთი ასეთი ქადაგება მან 1915 წლის 2 აგვისტოს, ვაჟა–ფშაველას დაკრძალვის დღეს, ქუთაისის საკათედრო ტაძარში აღსრულებულ პანაშვიდზე წარმოთქვა.

დეკანოზი ივლიანე გარდაიცვალა 1931 წლის 27 დეკემბერს და დაკრძალულია საფიჩხიის სასაფლაოზე.

ორგანიზაციის, ასოციაციის ან ჯგუფის წევრი

ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1904-1907)

ქართველთა შორის წერა-კითხვის გამავრცელებელი საზოგადოება, საზოგადოების ქუთაისის განყოფილების წევრი (1913-)

ჯილდოები, პრემიები და პრიზები

1916 - წმინდა ვლადიმერის IV ხარისხის ორდენი

1910 - წმინდა ანას II ხარისხის ორდენი

1901 - წმინდა ანას III ხარისხის ორდენი

1900 - სამკერდე ოქროს ჯვარი

ბიბლიოგრაფია

XVIII- XX საუკუნეში მოღვაწე სასულიერო პირთა ცხოვრება და მოღვაწეობა : ლუარსაბ ტოგონიძე, გიორგი მაჩურიშვილი // მომზადებულია საქართველოს საპატრიარქოს პრეს–ცენტრში. - თბილისი, "ალილო", 2012. - გვ. 31

წყარო საპატრიარქო ბიბლიოთეკა;