ანა შალიკაშვილი (1919-2004) ანა ქუთაისში, 1919 წელს დაიბადა, გაიზარდა ზესტაფონში.
თბილისში გადმობარგებამდე მისი ოჯახი ზესტაფონში, რკინიგზის სადგურის პირდაპირ მდგარ დიდ, ორსართულიან სახლში ცხოვრობდა. დედამისი ანიჩკა ბავშვების აღზრდით იყო დაკავებული, ხოლო მამა ბორია (ბარო) ინჟინერი გახლდათ.
დაამთავრა თბილისის სახელმწიფო სამხატვრო აკადემია 1942 წელს.
მისი პედაგოგები იყვნენ: დ. კაკაბაძე, ს. ქობულაძე, შ. მამალაძე; 1940 წლიდან მონაწილეობს სამხატვრო გამოფენებში; მუშაობდა კონოსტუდია "ქართულ ფილმში" ჯერ მულტიპლიკატორად, შემდეგ დამდგმელ მხატვრად; 1977-1998წწ. იყო საქართველოს მხატვართა კავშირის გრაფიკის სექციის თავმჯდომარე; თბილისს უძღვნა ფერწერული ნამუშევრები: სერია "ვაკის პარკი" (1986), "მეეზოვე", "წინდების გამყიდველი", "მეტროს წინ" (სამივე - 1998); შექმნა დაზგური გრაფიკის ნიმუშები ("ძველი უბანი", 1956); ლინოგრავიურების სერია მხატვარ ნ. ფალავანდიშვილის ეტიუდებზე (1979) და სხვა; მას ეკუთვნის ესკიზები ნახატი ფილმებისათვის "ერთი ქილა ერბო", "განთიადის მომღერალი", "რწყილი და ჭიანჭველა", "მამაცი კურდღელი" და სხვა; ფერმწერი, გრაფიკოსი, მხატვარ-მულტიპლიკატორი.
წყარო: თბილისი: ენციკლოპედია.- თბ., 2002. - გვ.917
ორგანიზაციის, ასოციაციის ან ჯგუფის წევრი
- სსრკ მხატვართა კავშირი, წევრი
ჯილდოები, პრემიები და პრიზები
- 1984 - საქართველოს სახალხო მხატვარი
- საქართველოს დამსახურებული მხატვარი
- სტატია ჟურნალი გზა: http://gza.kvirispalitra.ge/life/6906-ana-shalikashvili-cnobili-animaciuri-filmebis-ucnobi-mkhatvari.html