ქეთევან ბოჭორიშვილი (6 ივლისი 1919) მსახიობი.
დაბადების ადგილი: სოფელი ალავირი, სამხრეთ ოსეთი.
1937 წელს, თბილისის სამხატვრო სასწავლებლის დამთავრების შემდეგ, სწავლა განაგრძო სამხატვრო აკადემიაში.
სხვადასხვა წლებში მოღვაწეობდა თელავის(1941-1942, 1946-1948), ოზურგეთის(1943-1946) თეატრებში. 1949 წლიდან იყო გორის გიორგი ერისთავის სახელობის სახელმწიფო თეატრის ერთ-ერთი წამყვანი მსახიობი. მის მიერ შესრულებული როლებიდან აღსანიშნავია: ლუიზა, სოფი(ფ. შილერის "ვერაგობა და სიყვარული"), ნარგიზა, სონა(ა. ცაგარელის "ციმბირელი", "ხანუმა"), ელენე(ვ. შიუკაშვილის "უნიადაგონი"), გულიკო, მერი(დ. ერისთავის "სამშობლო"), თამარი(გ. შატბერაშვილის "ფიქრის გორა"), რუსუდანი(მ. ჯაფარიძის "ჟამთაბერის ასული"), ასმათი(ს. კლდიაშვილის "ირმის ხევი"), გვირისტინე(პ. კაკაბაძის "კოლმეურნის ქორწინება"), ელაისი(ჯ. გოუს და ა. დიუსოს "ღრმა ფესვები"), გაიანე(ი. მოსაშვილის "ჩაძირული ქვები"), სუზონი(ბომარშეს "ფიგაროს ქორწინება"), რუსუდანი, თეკლე(ი. ვაკელის "რვალი", "გიორგი სააკაძე"), მარინე(გ. ნახუცრიშვილის "კომბლე"), კესო(ი. ჭავჭავაძის "ოთარაანთ ქვრივი"), ვარდო(დ. ჭონქაძის "სურამის ციხე"), ცირა(გ. ქელბაქიანის "ახალგაზრდა მასწავლებელი"), ჰესია(გ. ზაპოლსკაიას "პანი დულსკაიას მორალი"), ქეთო(ნ. დუმბაძის "მე ვხედავ მზეს"), ემა ფიშერი(კ. ვიტლინგერის "ვარსკვლავიდან ჩამოსული კაცი") და სხვ. გადაღებულია ფილმებში: "ჯარისკაცის მამა", "დიდედები და შვილიშვილები", "წუთისოფელი" და სხვ.
