დაიბადა I973 წლის 24 ივლისს, ქ. ტყიბულში.

სწავლობდა ტყიბულის პირველ საშუალო სკოლაში, იქ ისწავლა ორი წელი, შემდეგ ოჯახი გადმოსახლდა თბილისში. აქ გააგრძელა სწავლა. რვა კლასის დამთავრების შემდეგ გადაწყვიტა შესულიყო ბათუმის საზღვაო სასწავლებელში, უნდოდა მეზღვაური ყოფილიყო, გატაცებული იყო ნიჩბოსნობით, იმ წელს ვერ ჩააბარა, სწავლა განაგრძო საღამოს სკოლაში, 18 წლისა გაიწვიეს სამხედრო სამსახურში.

1992 წლის 23 მაისს შერჩევით მიიღეს ქაქუცა ჩოლოყაშვილის სახელობის პოლკში,ოფიცერთა სადაზვერვო ჯგუფში საწვრთნელად წაიყვანეს სამაჩაბლოში,აქ გადიოდა მომზადებას, რომლის პროცესშიც თითქმის ცეცხლის ხაზზე იდგა, ერთ ღამეს ოფიცრებთან ერთად გავიდნენ დასაზვერვად და მოუხდათ მტერთან შებრძოლება, რევაზი დაიჭრა და უკან დააბრუნეს. რევაზი და მისი თანამებრძოლები რამდენიმე დღის შემდეგ ბესიკ ქუთათელაძესთან ერთად შეიყვანეს გორის სატანკო ნაწილში. როგორც მოწმეთა გადმოცემით ვიცით, მოულოდნელად ატყდა სროლა და მებრძოლები იძულებული იყვნენ იმ მიდამოზე გაშლილიყვნენ,რევაზი და მისი ერთი იარაღიანი მეგობარი ადგილზე დარჩნენ,ბოლომდე იბრძოლეს, მაგრამ რუს ჯარისკაცებს ვერ დააღწიეს თავი და დაიხოცნენ. რევაზს მხოლოდ ერთი ტყვია აქვს მოხვედრილი გულში, რომელმაც ის იმსხვერპლა. ეს მოხდა 1992 წლის 13 ივნისს, 24 ივლისს კი მას 19 წელი შეუსრულდებოდა.

საქართველო თანაგრძნობას უცხადებს რევაზის დედას – ქალბატონ ზეინაბ. ბოჭორიშვილს, მის დას – მაკას და ძმას – კახას.