დათა მგალობლიშვილი (1890-1929) მსახიობი.

ქართული დრამატული თეატრის მსახიობი. მისი პირველი დებიუტი სცენაზე 1909 წელს, სარდუს პიესა "აი გიდი მეგობრობაში", მორისის როლის შესრულებით შედგა. მუშაობდა რეჟისორ ვასო აბაშიძესთან. როლები: ჰერტი("იმედის დაღუპვა"), სურენა(შირვანზადეს პიესა "ნამუსისათვის"), ცანცარა(ვ. გუნიას "სიძე-სიმამრი"), პრაპორშჩიკ სუმბუქაშვილი("აღლუმი"), გასტონი("მარგარიტა გოტიე"), ერეკლე("ღალატი"), ლევან ხიმშიაშვილი("სამშობლო") და სხვა. შესანიშნავად ასრულებდა კომედიურ როლებს. სიცოცხლის ბოლო 7- 8 წელი მოღვაწეობდა მოსკოვის ოპერეტის თეატრში, ბონის("სილვა") როლის შესრულებამ მას დიდი წარმატება მოუტანა. მწერალ სოფრომ მგალობლიშვილის ვაჟი, მოსკოვის ოპერეტის თეატრის პრიმადონა რ. ლაზარევას მეუღლე.