დანელიების საგვარეულო ტექნოლოგია - ღვინის თაფლით დამუშავება 

ილია ჭავჭავაძემ უთქვამს, რომ „ქართული ღვინო ვერ უძლებს ტრანსპორტირებას და არ არის მდგრადი“. ის წინააღმდეგი იყო, ეს ნაკლოვანებები ქიმიური პრეპარატების მეშვეობით აღმოფხვრილიყო.  

იმისთვის, რომ ღვინო ტრანსპორტირებადი და მდგრადი გამხდარიყო, ვლადიმერ დანელია (1880-1976) მას თაფლით ამუშავებდა. თაფლი საუკეთესო ბუნებრივი კონსერვანტია. ეს მეთოდი ღვინის სასარგებლო თვისებების სპექტრსაც აფართოებდა. ამ საგვარეულო ტექნოლოგიას მსოფლიოში ანალოგი არ მოეპოვება.

ვლადიმერი პროდუქციას ბათუმში თავის ღვინის ქარხანაში ამზადებდა და ნავსადგურიდან სხვადასხვა ქვეყნაში აგზავნიდა. საგვარეულო ტექნოლოგია უზრუნველყოფდა სასმელის მდგრადობასაც და ტრანსპორტირებადობასაც. „დანელიას ღვინო“ იყო ქიმიური პრეპარატების გარეშე.  

1907 წელს საგვარეულო ტექნოლოგიის მიხედვით შეიქმნა „დანელია და კომპანიას“ სასაქონლო-სავაჭრო ნიშანი. მასზე ყურძნის მტევნებთან ერთად ფუტკარია გამოსახული - ღვინის თაფლით დამუშავების სიმბოლო. 

ვლადიმერ დანელია საეკლესიო ღვინოსაც ამზადებდა, ოღონდ მხოლოდ - ოჯალეშისგან. ღვინომასალას თაფლით და ფუტკრის ფიჭით ამუშავებდა, რაც სასმელის სასარგებლო თვისებებს ზრდიდა.

ინფორმაცია მოგვაწოდა ვაჟა დანელიამ

ვაჟა დანელია დოქტორი, სპორტის ჟურნალისტი, დაიბადა სენაკის რაიონის სოფელ ნოსირიში, 1952 წელს