ლევან ალექსანდრეს ძე ცისკარიშვილი დაიბადა 1967 წლის 14 სექტემბერს ქ. თბილისში.
საქართველოს რესპუბლიკის შინაგან საქმეთა სამინისტროს აკადემიის მსმენელი-ლეიტენანტი. სასაზღვრო ჯარების ლეიტენანტი.
1987 წლის 21 აპრილს დაჯილდოვდა მედლით სსსრ სახელმწიფო საზღვრების საუკეთესო დაცვისათვის.
ამიერკავკასიის სადაზვერვო-სასაზღვრო ჯარების სარდლის მიერ დაჯილდოვდა 1987 წლის 27 მაისს იმ მიღწევებისათვის, რომელიც გამოიჩინა სამხედრო სამსახურის დროს.
სამსახურებრივი მოვალეობის შესრულებისა და წესრიგის დამყარებისათვის სამხრეთ ოსეთის ავტონომიურ ოლქში, აფხაზეთის ავტონომიურ რესპუბლიკაში, თბილისში, გამოეცხადა მადლობა შინაგან საქმეთა სამინისტროს მიერ 1990 წლის 19 იანვარს.
დაიღუპა აფხაზეთის ომში გაგრის მისადგომებთან 1992 წლის 29 აგვისტოს.
სამშობლოს დაცვისა და ერთიანობისათვის ბრძოლაში გამოჩენილი გმირობის, მამაცობისა და თავდადებისათვის მიენიჭა საქართველოს რესპუბლიკის უმაღლესი ჯილდო ვახტან გორგასლის I-ლი ხარისხის ორდენი 1993 წლის 1 ოქტომბერს, სიკვდილის შემდეგ.
ქ. თბილისის მთავრობის 2001 წლის 15 მარტის N04.27.94 დადგენგილების საფუძველზე დიდუბე-ჩუღურეთის რაიონში ლევან ცისკარიშვილის სახელი მიენიჭა დიღმის მასივში მიქელაძისა და ახმეტელის ქუჩების შემაერთებელ ქუჩას.
