წიგნიდან საქართველოსთვის ომის ქრონიკები  აფხაზეთი 1992-93წწ რედ. ირმა ირემაძე

ტარიელ ევგენის ძე ჯიქია დაიბადა 1955 წლის 25 მარტს ოჩამჩირის რაიონის სოფელ ოხურეიში. ოხურეის საშუალო სკოლის დამთავრების შემდეგ მოიხადა სამხედრო-სავალდებულო სამსახური.

აფხაზეთში შეიარაღებული დაპირისპირების დაწყებისთანავე, ტარიელ ჯიქია ოჩამჩირის სამხედრო კომისარიატში გამოცხადდა,

ჩაირიცხა საქართველოს რესპუბლიკის თავდაცვის სამინისტროს მე-2 საარმიო კორპუსის 24-ე მექანიზირებული ბრიგადის 241-ე

ბატალიონში რიგითად. ბატალიონთან ერთად იბრძოდა ოხურეის, ფოქვეშის, ტყვარჩელის მიმართულებით... ტარიელ ჯიქია 1993 წლის 26 აგვისტოს სოფელ ფოქვეშთა მიმდინარე შეტაკებისას გარდაიცვალა. დაკრძალულია ოჩამჩირის რაიონის სოფელ ოხურეიში.

ვალტერ ჭკადუა

ტარიელ ჯიქია

* * *

...ვფიცავ, შავ სიკვდილს თვალში ჩავხედავ,

საზიზღარ მტერზე ხიშტშემართული,

მე ასე მზრდიდა სამშობლო _ დედა,

მე ასე მზრდიდა მიწა ქართული.

... თუ მტერმა დამცეს ხმალგაბასრულმა,

დარდს ნუ მოიხვევთ ღრუბლის გუნდებად,

რა ვუყოთ, ომში ბევრი წასულა,

მაგრამ ყველა ხომ ვერ დაბრუნდება...

 სევერიან ისიანი