მხერდრიონელთა სრული სია რომელიც გარდაიცვალა თვითფრინავის აფეთქების დროს 

დავით ავალიანი დაიბადა 1967 წლის 15 აპრილს თეთრიწყაროს რაიონის სოფელ ასურეთში.

6 წლის ასაკში გარდაეცვალა მამა, იზრდებოდა ბებიასა და ბაბუასთან. სკოლაში სწავლის პერიოდში გამოირჩეოდა

კარგი ყოფაქცევითა და აკადემიური მოსწრებით. პირნათლად მოიხადა სავალდებულო სამხედრო სამსახური. მუშაობდა ასურეთის საბჭოთა მეურნეობაში. მშობლების სითბოს მოკლებული, თავად იყო უაღრესად გულთბილი და მოსიყვარულე, იუმორით სავსე და ენაწლიანი. ადვილად

შეეძლო ყველასთან საერთო ენის გამონახვა.

ამიტომაც ჰყავდა ბევრი მეგობარი. უყვარდა მუსიკა,სპორტი. განსაკუთრებით კარგად თამაშობდა ფეხბურთს, შაშს. სამშობლოს · ტრფიალი გახლდათ, მეგობრებისა და საქართველოს სიყვარულმა განაპირობა მისი აფხაზეთში წასვლა. იმედი ჰქონდა, რომ ახალგაზრდული ენერგიით, შემართებით, ვაჟკაცობით, ერთმანეთის გვერდი-გვერდ დგომით, უნარიანი ხელმძღვანელობით შესძლებდნენ საქართველოს ძირძველი ნაწილის შენარჩუნებას.ოჩამჩირის რაიონში მიმდინარე ბრძოლებში გამოჩენილი მამაცობისათვის დაჯილდოვდა ვახტანგ გორგასლის II ხარისხის ორდენით. საბედისწერო გამოდგა მისთვის 1993 წლის 22 სექტემბერი, სოხუმის აეროდრომზე აფხაზებმა ააფეთქეს ჩვენი თვითმფრინავი, რომელშიც, სხვა გულანთებულ ბიჭებთან ერთად, დავითიც იჯდა.