ზვიადი გოგუაძე დაიბადა 1963 წლის 30 მარტს ქ. სოხუმში.
ზვიადი პატარაობიოდანვე ნიჭიერი ბავშვი იყო. ბევრს კითხულობდა, ამიტომაც სასიამოვნო მოსაუბრე იყო. სპეტაკი, პატიოსანი, ერთგული - ასე ახასიათებენ მას ნაცნობ - მეგობრები. დაამთავრა ქ. სოხუმის მე-11 საშუალო სკოლა. სკოლის დამთავრების შემდეგ ჩაირიცხა ქ. თბილისის პოლიტექნიკურ ინსტიტუtში, მანქანამშენებლობის ფაკულტეტზე.
მას უყვარდა სიცოცხლე და მამული . . . როდესაც აფხაზეთი, საქრთველოს ეს ძირძველი მიწა, ცეცხლის ალში გაეხვია, ზვიადმა გადაწყვიტა დამდგარიყო იქ, სადაც სამშობლოს ბედი წყდებოდა. ამ მიზნით ის ჩაირიცხა 23-ე ბრიგადის ბატალიონ “ცხუმის“ პირად შემადგენლობაში რიგით მებრძოლად. (ბრძანება Nნ 255, რიგ.5. 04.07.1993 წ.).
ის აქტიურ მონაწილეობას ღებულობდა ყველა საბრძოლო ოპერაციაში, მეთაურთა ბრძანებებს ასრულებდა პირნათლად, თანამებრძოლებს შორის სარგებლობდა კარგი ავტორიტეტით.
ყოველთვის წინა ხაზისკენ მიიწევდა, სადაც კი მისი ბატალიონი იბრძოდა - აჩადარასთან, ფუნიკულიორთან . . .
ერთ-ერთი ბრძოლის დროს, 1993 წლის 26 სექტემბერს დაიჭრა ფუნიკულიორის მისადგომებთან. ჭუბერის გზით თანამებრძოლებმა გადმოიყვანეს ზუგდიდის საავადმყოფოში, რის შედეგადაც მძიმე ავადმყოფობის შემდეგ 1994 წლის 06 სექტემბერს გარდაიცვალა თავის ტვინის დაჟეჟილობის გამო.
მთელი ავადმყოფობის პერიოდში მას არ გაუხდია სამხედრო ფორმა, და სწორედ ამ სამხედრო ფორმაში ის გადავიდა უუკვდავებში. . . მეტად კეთილი, სათნო და ამავე დროს ვაჟკაცური ბუნების გახლდათ.
დაიღუპა ისე, რომ გვარის გამგრძელებელიც არ დარჩენია.
საკუთარი მიწის დაცვას ვაჟკაცურად შეეწირა.
მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი