ბაგრატიონი გიორგი ვახტანგის ძე(2 აგვისტო 1712–86)  უფლისწული, მეფე ვახტანგ VI შვილი, გენერალ-ანშეფი (1762), 1756–63 რუსეთ-პრუსიის ომის დროს II დივიზიის სარდალი, „წმ. ალექსანდრე ნეველის“ ორდენი (1758) და ოქროს ხმალი;მოსკოვის ქართული კოლონიის მეთაური XVIII საუკუნის II ნახევარში, რუსეთის არმიის გენერალ-ანშფი, მეცენატი, ქველმოქმედი, ვახტანგ VI-ის ძე; 1724 წელს მამასთან და ოჯახის სხვა წევრებთან ერთად რუსეთს გაემგზავრა და დამკვიდრდა მოსკოვში; აქ საიმპერატორო კარზე შეისწავლა ფილოსოფია, ისტორია, სამხედრო ხელოვნება; წერდა ლექსებსაც; რუსეთ-შვედეთის ომის(1741-1743) დროს გიორგი ბატონიშვილი ფლოტს მეთაურობდა; თავი გამოიჩინა რაინის კამპანიაში(1741-1748), შვიდწლიან ომში(1756-1763); ბაქარის გარდაცვალების შემდეგ(1750) გიორგი ბატონიშვილი მოსკოვის ქართული კოლონიის ფაქტობრივი მეთაური გახდა და აქ დიდი სამშენებლო საქმიანობა გაშალა; პრესნიაზე, ქართულ დასხლებაში მთავარმოწამე წმინდა გიორგის საყდარი ააგო; მოსკოვში მის სასახლეში თავს იყრიდნენ რუსეთის, ევროპის და საქართველოს მოღვაწენი; სამშობლოში პერიოდულად გზავნიდა საეკლესიო ინვენტარს და სხვა საჩუქრებს; მას ახლო და საქმიანი ურთიერთობა ჰქონდა მოსკოვის უნივერსიტეტის მესვეურებთან, 1785 წელს უნივერსიტეტისათვის გადაუცია 10 ათასი მანეთი(ოქროთი); ამის აღსანიშნავად უნივერშიტეტის შენობაში 100 წელზე მეტხანს იყო გამოკრული მისი მოსახსენიებელი დაფა.

ჯილდოები, პრემიები და პრიზები