გიორგი ვასილის ძე წერეთელი (დ. 21 ოქტომბერი [ ძვ. სტ. 8 ოქტომბერი], 1904, ახლანდელი დაბა თიანეთი — გ. 9 სექტემბერი, 1973, თბილისი) — ქართველი ენათმეცნიერი, აღმოსავლეთმცოდნე, ისტორიკოსი, აღმოსავლეთმცოდნეობის ქართული სამეცნიერო სკოლის ფუძემდებელი, ფილოლოგიის მეცნიერებათა დოქტორი (1942), პროფესორი (1942), საქართველოს მეცნიერებათა აკადემიის აკადემიკოსი (1946), სსრკ მეცნიერებათა აკადემიის აკადემიკოსი (1968), საქართველოს მეცნიერების დამსახურებული მოღვაწე (1961), პოლონეთის ორიენტალისტთა საზოგადოების საპატიო წევრი (1966), დიდი ბრიტანეთისა და ირლანდიის სამეფო სააზიო საზოგადოების საპატიო წევრი (1964).
დაბადების ადგილი: დაბა თიანეთი.
დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტის სიტყვიერების განყოფილება 1927 წელს.
1931 წელს ასპირანტურის დასრულებისთანავე მიიწვიეს ლენინგრადის ცოცხალ აღმოსავლურ ენათა ინსტიტუტის არაბული ენის დოცენტად. 1933 წელს დაბრუნდა თბილისში და სათავეში ჩაუდგა სამეცნიერო კადრების მომზადებას სემიტოლოგიის სხვადასხვა სფეროში. 1933-1936წწ. ხელმძღვანელობდა ახლო აღმოსავლეთის ენათა განყოფილებას ენის, ისტორიისა და მატერიალური კულტურის ინსტიტუტს (ენიმკი). მისი ინიციატივით დაარსდა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი, სემიტოლოგიის კათედრა (1945) და საქართველოს მეცნიერებათა აკადემიის აღმოსავლეთმცოდნეობის ინსტიტუტი (1960). კათედრასა და ინსტიტუტს ხელმძღვანელობდა გარდაცვალებამდე. მისი სამეცნიერო კვლევის სფეროა არაბული ენათმეცნიერება და ფოლკლორი, ებრაბისტიკა და არამეისტიკა, ახლო აღმოსავლეთის ძველი ენები და დამწერლობათა ისტორია, ქართველური ენათმეცნიერება, ქართული და შედარებითი ლექსთწყობის საკითხები, თეორიული ლინგვისტიკის პრობლემები, ქართული ანბანის წარმოშობის საკითხები, რუსთველოლოგია.
წყარო: ქართული საბჭოთა ენციკლოპედია: ტ. 11.- თბ., 1987.- გვ.306
ორგანიზაციის, ასოციაციის ან ჯგუფის წევრი
- დიდი ბრიტანეთისა და ირლანდიის სამეფო სააზიო საზოგადოება, საპატიო წევრი (1964-)
- პოლონეთის ორიენტალისტთა საზოგადოება, საპატიო წევრი (1966-)
- საქართველოს მეცნიერებათა აკადემია, აკადემიკოსი (1946-1973)
- სსრკ მეცნიერებათა აკადემია, აკადემიკოსი (1968-)
ჯილდოები, პრემიები და პრიზები
- 1961 - საქართველოს მეცნიერებათა დამსახურებული მოღვაწე
- საპატიო ნიშნის ორდენი
- წითელი დროშის ორდენი
ბიბლიოგრაფია
- მეტრი და რითმა ვეფხისტყაოსანში (ავტორი). - თბილისი, მეცნიერება, 1973. - 115გვ.
- უძველესი ქართული წარწერები პალესტინიდან (ავტორი). - თბილისი, საქ. სსრ მეცნ. აკად. გამ-ბა, 1960. - 94გვ.
- მცხეთის ბერძნული წარწერა ვესპასიანეს ხანისა (ავტორი). - თბილისი, საქ. სსრ მეცნ. აკად. გამ-ბა , 1958. - 20გვ.
- Арабские диалекты Средней Азии : Тексты и переводы (ავტორი) // т. 1: Бухарский арабский диалект . - Тбилиси, Изд-во АН Груз. ССР, 1956. - 344с.
- არმაზის ბილინგვა (ავტორი). - თბილისი, საქ. სსრ მეცნ. აკად. გამ-ბა, 1942. - 83გვ.
- ეროვნული ბიბლიოთეკა
