დავით ალექსიძე (დაბ.1966)
ბიოგრაფია
დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტში 1983 წელს; თბილისის სახელმწიფო სამხატვრო აკადემია, ფერწერის სპეციალობით 1990 წელს (პედაგოგი ნიკოლოზ იგნატოვი).
1993-1995 წწ. სტაჟირებას გადიოდა იტალიაში, ვენეციის სამხატვრო აკადემიასა და უნივერსიტეტ "კაფოსკარში" თანამედროვე ხელოვნების სპეციფიკით; გაფორმებული აქვს რამდენიმე მხატვრული ნაწარმოები; მონაწილეობა აქვს მიღებული ქართულ შოტლანდიურ შემოქმედებით პროექტში ქალაქ გლაზგოში; 2001 წელს გააფორმა ალტერნატიული სპექტაკლი "მიმიკრია" თეატრალურ სარდაფში; მონაწილეობდა თბილისის საერთაშორისო ფესტივალ ’"საჩუქარის" ორგანიზებაში; 2006 წლიდან მუშაობს თბილისის სახელმწიფო სამხატვრო აკადემიაში;
ამ პერიოდში მონაწილეობდა რომულდო დულბინკოს ფონდის მიერ ორგანიზებულ ვორქშოპებში; მონაწილეობა მიიღო სამხატვრო აკადემიის მიერ ორგანიზებულ საერთაშორისო გამოფენებში ირანში, თურქეთში, იტალიაში; ასევე მონაწილეობა მიიღო სტუდენტებთან ერთად ლიეჟის ხელოვნებისა და ისტორიის საერთაშორისო ფორუმში, ლუქსემბურგის ხელოვნებისა და ისტორიის საერთაშორისო ფორუმში; სამხატვრო აკადემიაში მუშაობისას მის მიერ ორგანიზებული იყო სტუდენტთა არაერთი გამოფენა და შემოქმედებითი პროექტი; პარალელურად იგი მონაწილეობას ღებულობს სხვადასხვა საერთაშორისო თუ რეგიონალური მნიშვნელობის გამოფენებში და პროექტებში. თბილისის სახელმწიფო სამხატვრო აკადემიის სახვითი ხელოვნების ფაკულტეტის ფერწერის მიმართულების ხელმძღვანელი, სრული პროფესორი, დეკანი.
წყარო: თბილისის სახელმწიფო სამხატვრო აკადემიის სახვითი ხელოვნების ფაკულტეტის ვებგვერდი: art.edu.ge