დაამთავრა თბილისის სახელმწიფო სამხატვრო აკადემია 1954 წელს.

1955-1960წწ. მუშაობდა მხატვრად საბურთალოს რაიონის აგურის ქარხნის კერამიკულ საამქროში; 1961 წლიდან მოღვაწეობს სამხატვრო აკადემიაში. მან შეიმუშავა და სათავეში ჩაუდგა ბატიკის ყველა სახეობას, აღზარდა მრავალი მხატვარი, რომლებიც მონაწილეობენ საერთაშორისო გამოფენებში; საინტერესო ნამუშევრები აქვს აგრეთვე კერამიკაში და ტრიკოტაჟის ხელოვნებაში: სერვიზი "ქორწილი", ძველი თბილისის მოტივები (თიხა, ჭიქური, 1966, მხატვრის კუთვნილებაა), პანო "ძველი თბილისი" (მაღაზია "ციცინათელა", 1970) და სხვა; მხატვარი-კერამიკოსი; საქართველოში ბატიკის ხელოვნების დამფუძნებელი; პროფესორი (1991).

წყარო: თბილისი: ენციკლოპედია.- თბ., 2002.-გვ.936

• 1975 - ვილნიუსის საერთაშორისო სიმპოზიუმი, დიპლომი
• 1967 - საქართველოს დამსახურებული მხატვარი
• 1962 - პრაღის საერთაშორისო გამოფენა , დიპლომი