ოლღა დოლიძე ( 24 მარტი1904-1990) მსახიობი.

დაბადების ადგილი: ქ. თბილისი.

1920 წელს დაიწყო სასცენო მოღვაწეობა დიდუბის რკინიგზის კლუბში; გამოდიოდა აგრეთვე ავჭალის აუდიტორიისა და თბილისის მუშათა ცენტრალური კლუბის წარმოდგენებში; 1921-1923წწ. ჩაირიცხა შოთა რუსთაველის სახელობის თეატრის დასში; 1932-1936წწ. იყო კოტე მარჯანიშვილის სახელობის თეატრის მსახიობი; 1936-1944წწ. კვლავ რუსთაველის სახელობის თეატრის მსახიობი; 1931 წლიდან გამოდიოდა ესტრადაზე; კონცერტებს მართავდა როგორც საქართველოში, ისე სსრკ სხვა ქალაქებში; მნიშვნელოვანი წვლილი შეიტანა ქართული საესტრადო ხელოვნების განვითარებაში; თეატრებში შესრულებულ როლებს შორის აღსანიშნავია: ფოფოდია (შ. დადიანის "გუშინდელნი"), მარიკა (შ. დადიანის "ნინოშვილის გურია"), პარასკევა (შ. დადიანის "ნაპერწკლიდან"), მიქაელა (გ. მდივნის "ალკაზარი"), ბიჭუნა (ნ. ნაკაშიძის "ვინ არის დამნაშავე?"); მიღებული აქვს სახელმწიფო ჯილდოები; ესტრადისა და თეატრის მსახიობი.