მე-2 საარმიო კორპუსი 24-ე ბრიგადა 242-ე ბატალიონი წიგნიდან "საქართველოსთვის"
ბ ორის (კარლო) გვედოს ძე მარგიანი დაიბადა 1962 წლის 21 მარტს ოჩამჩირის რაიონის სოფელ კოჩარაში. კოჩარის საშუალო სკოლის დათავრების შემდეგ სწავლა განაგრძო სოხუმის პროფესიულ-ტექნიკურ სასწავლებელში. მუშაობდა სოხუმის დეპოში. ახლადდაქორწინებული იყო ,როდესაც აფხაზეთში ომის ქარ-ცეცხლი აბობოქრდა.
ბორის მარგიანი საომარ მოქმედებებში კონფლიქტის დაწყების პირველივე დღიდან მონაწილეობდა. ირიცხებოდა საქართველოს რესპუბლიკის ეროვნული გვარდიის მე-3 ბრიგადის მე-4 ბატალიონში. ხოლო 1992 წლის 11 დეკემბრიდან გადავიდა საქართველოს რესპუბლიკის თავდაცვის სამინისტროს მე-2 საარმიო კორპუსის 24-ე მექანიზირებული ბრიგადის 242-ე ბატალიონში.
ბორის მარგიანი მონაწილეობდა ბატალიონის მიერ წარმოებულ ყველა საბრძოლო ოპერაციაში - ლაბრის,ცხენისწყლის, ცაგერის მიმართულებით. იყო მამაცი,უშიშარი მებრძოლი ,გულისხმიერი მეგობარი, ორჯერ დაიჭრა ბრძოლის ველზე , მაგრამ მაინც არ ტოვებდა პოზიციებს. ის თავის სამ ძმასთან ერთად ერთგულად იდგა მშობლიური კუთხის დასაცავად.
1993 წლის 2 მარტს ბორის მარგიანი სოფელ ლაბრაში მიმდინარე შეტაკების დროს მძიმედ დაიჭრა. საკუთარმა ძმამ, ტყვიების წვიმაში , ზურგზე მოკიდებული გამოიყვანა ბრძოლის ველიდან, მაგრამ ბორისი ჰოსპიტალში მიყვანამდე გარდაიცვალა.
რიგითი მარგიანი ბორისი (კარლო) გვედოს ძე, დაბადებული 1961 წელს, ქართველი,
განათლება საშუალო, ცოლშვილიანი.რიგითი მარგიანი ბორისი გვედოს ძე აფხაზეთში
ომის დაწყების პირველივე დღიდან მონაწილეობას ღებულობდა საომარ
მოქმედებებში. ირიცხებოდა მე-3 ბრიგადის მე-4 ბატალიონში. ხოლო შემდეგ
გადავიდა 24-ე ბრიგადის 242-ე ბატალიონში 1992 წლის 11 დეკემბრიდან (ბრძ.
N88 2.04.93).მონაწილეობას ღებულობდა ბატალიონის მიერ წარმოებულ ყველა
საბრძოლო ოპერაციაში. ს. ლაბრის, ცხენისწყლის, ცაგერის მიმართულებით, იყო
მამაცი, უშიშარი მებრძოლი. ყურადღებიანი მეგობარი.ერთ-ერთი საბრძოლო
ოპერაციის დროს 1993 წ. 2 მარტს ს. ლაბრაში მძიმედ დაიჭრა ცეცხლსასროლი
იარაღით გულმკერდის არეში. რიგითებმა ხვისტანმა და მარგიანმა მტრის ცეცხლის
ქვეშ გამოიტანეს მომაკვდავი, მაგრამ ჰოსპიტალში მიყვანამდე
გარდაიცვალა.დაკრძალულია ს. რუხში, ზუგდიდის რაიონში.
მარინა ნაჭყებია