მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი

მე-8 ბატალიონის III ასეული

დაიბადა 1932 წლის 7 ივლისს, მესტიის რ/ნ სოფ ლატალში. 1953 წელს დაამთავრა

ქუთაისის პედაგოგიური ინსტიტუტი. ამავე წლიდან იწყებს მუშაობას სოხუმის რ/ნ

სოფელ ამზარის დაწყებით სკოლაში. 1954-1956 წლებში გაიარა სამხედრო

სავალდებულო სამსახური ქ. მოსკოვში. 1956 წელს გააგრძელა მუშაობა იგივე

სკოლაში დირექტორის თანამდებობით. 1988-1990 წლებში მუშაობდა აფხაზეთის

დემოგრაფიული საბჭოს თავმჯდომარედ. იყო „ლემი“-ს ნაფიცთა საბჭოს ერთერთი

დამაარსებელი. 1990-1993 წლებში იყო აფხაზეთის მწერალთა კავშირის

თავმჯდომარე. 1992-93 წლებში აფხაზეთის ომის პერიოდში ირიცხებოდა 23-ე

ბრიგადის III ასეულის ოცმეთაურად.

1992 წლის შემოდგომაზე ჩვენი მოწინააღმდეგე ცდილობდა სოხუმზე იერიში სხვა

მიმართულებიდან განეხორციელებინათ, რისი მზადებაც კამანელმა მზვერავებმა

შეამჩნიეს. ჯერ კიდევ საბჭოთა კავშირის დროს, წლების უკან სატყეო მეურნეობის

მიერ სოხუმჰესიდან გუდაუთის მიმართულებით გზა იყო გაყვანილი, ამ დროისთვის

კი გამოუყენებელი და ყველასგან მივიწყებული. თუმცა აფხაზებს და რუსებს

ახსოვდათ და სწორედ მათ გამოიყენეს ეს გზა მძიმე ტექნიკის შემოსაყვანად. ელგუჯა

გვიჩიანმა აცნობა ცენტრალურ შტაბს მოსალოდნელი შემოტევის შესახებ, მაგრამ მას

არავინ დაუჯერა, რადგან ამის წარმოდგენა ბევრისთვის ძნელი იყო. დაუჯერებლობის

შედეგი კი 3 ნოემბერს დაგვატყდა თავს, რომელიც 400 მებრძოლისგან შემდგარი,

ჩეჩენთა ბატალიონმა განახორციელა.

1993 წლის 5 ივლისს სოფ. კამანში მიმდინარე ბრძოლის დროს ელგუჯა გვიჩიანი

გმირულად დაეცა ბრძოლის ველზე.

ელგუჯა გვიჩიანს სიკვდილის შემდეგ მიენიჭა ვახტანგ გორგასლის პირველი ხარისხის

ორდენი (ბრძ.# 00102 4.12.1994 წ.)