მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
ლორიკ გრიგოლის ძე ბოკუჩავა, დაიბადა 1949 წლის 23 აპრილს, გულრიფშის რაიონის სოფელ ზემო ფშავში.
ზემო ფშავის საშუალო სკოლის დამთავრების შემდეგ, 1966-68 წლებში, ლორიკი სწავლობდა ქალაქ სოხუმის ინდუსტრიულ ტექნიკუმში. რომლის დასრულების შემდეგ მუშაობდა ქალაქ სოხუმის ხელსაწყოთა ქარხანაში. 1974-79 წლებში სწავლა განაგრძო ქალაქ ტობოლსკის პოლიტექნიკური ინსტიტუტის ავტოსატრანსპორტო ფაკულტეტზე,რომლის დამთავრების შემდეგ მუშაობდა ქალაქ ტობოლსკში,სხვადასხვა თანამდებობებზე... 1982 წელს აფხაზეთში ჩამოვიდა და მუშაობა განაგრძო.
1992 წლის 14 აგვისტოს აფხაზეთში დაწყებული საომარი კონფლიქტის დროს, ლორიკ ბოკუჩავა ირიცხებოდა თავდაცვის სამინისტროს 23-ე ბრიგადის მე-6 სატანკო ბატალიონის რიგებში,სარემონტო ოცეულში. აქტიურად მონაწილეობდა ბატალიონის მიერ წარმოებულ საბრძოლო ოპერაციებში მდინარე გუმისთის პირას. 1993 წლის 16 მარტს სოხუმზე განხორციელებული შემოტევის მოგერიების დროს ფეხში დაიჭრა,გამოჯანმრთელების შემდეგ დაბრუნდა ბატალიონში. 1993 წლის 29 სექტემბერს, როცა ბატალიონი აფხაზეთს იძულებით ტოვებდა, ლორიკ ბოკუჩავა მტრის ტყვიამ იმსხვერპლა.
ლორიკ ბოკუჩავას დარჩა მეუღლე და ორი ვაჟი.რომლებმაც სასახელოდ გააგრძელეს საქართველოს ერთიანობისთვის ბრძოლაში დაღუპული მამის გზა.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის,ვაჟკაცობისა და თავგანწირვისათვის ლორიკ ბოკუჩავა, სიკვდილის შემდეგ, დაჯილდოვდა მედლით „მხედრული მამაცობისთვის“.