მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
მერაბ ბონდოს ძე ყურაშვილი დაიბადა 1963 წლის 27 მარტს გულრიფშის რაიონის სოფელ ამტყელში. იქვე დაამთავრა სა შუალო სკოლა.
აფხაზეთში დაწყებული საომარი მოქმედებების დროს მერაბი მეგობრებთან ერთად დადგა სამშობლოს დამცველთა რიგებში.1992 წლის 12 სექტემბრიდან ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადის მე-6 სატანკო ბატალიონის პირველ ასეულში-რიგით მებრძოლად.გულანთებული ვაჟკაცი თანამებრძოლებთან ერთად,ბატალიონის დისლოკაციის ადგილზე-სოფელ ქვემო ეშერასთან ებრძოდა მომხვდურ მტერს. საბედისწერო აღმოჩნდა მერაბისათვის ივლისის თვე.1993 წლის 4 ივლისს დილის 2 საათზე საარტილერიო დაბომბვის ხმამ შეძრა სოხუმი, მტერმა მორიგი შეტევა დაიწყო ქალაქზე. მერაბი მე-6 ბატალიონის პირველი ასეულის მეომრებთან ერთად ჩაერთო მტრის სადაზვერვო ჯგუფთან უთანასწორო ბრძოლაში და გმირულად დაიღუპა ბრძოლის ველზე.
მერაბ ყურაშვილი დაკრძალულია სოფელ ამტყელში.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის მერაბ ყურაშვილი, სიკვდილის შემდეგ, დაჯილდოვდა ვახტანგ გორგასლის II ხარისხის ორდენით.
