დაიბადა 1956 წელს ოჩამჩირის რაიონის სოფელ კინდღში.
ბედნიერად გრძნობდა თავს დანელია გიზო სამშობლოსა და ოჯახზე უსაზღვროდ შეყვარებული, მაგრამ ვაი...რომ ბედნიერება ხანმოკლე აღმოჩნდა. გიზო იყო სათნო, პატიოსანი ადამიანი. იგი გაიზარდა წმინდა მოწამეთა, სამშობლოსათვის თავდადებულთა მაგალითზე. ფიზიკურად ახოვანი, ზღაპრიდან მოსულ გმირს ჰგავდა, სულითაც რაინდი იყო.
ომის დაწყების პირველი დღიდანვე ჩაირიცხა 23-ე ბრიგადის მეხუთე ასეულის მსროლელად.
ამ ჭაბუკმა საქართველოს მთლიანობის სამსხვრეპლოზე დადო თავი. როცა მამულს გაუჭირდა, გვერდზე გადგომა არ გაუვლია, იარაღით ხელში დადგა მის დასაცავად.გიზო და მურთაზ შონია მეგობრები იყვნენ, კარის მეზობლები ერთად იბრძოდნენ და ერთად დაიღუპნენ. ჩასაფრებული მტრის ტყვიამ 1993 წლის 15 მაისს, სოფელ კინდღთან, ერთად გამოასალმეს.
