დაიბადა 1938 წლის 15 ივლისს ქ. აბაშაში. 1956 წელს დაამთავრა აბაშის N 2 საშუალო სკოლა. 1

960 წელს მისაღები გამოცდები ჩააბარა საქართველოს სუბტროპიკული ინსტიტუტის მექანიზაციის ფაკულტეტზე, სპეციალობით: ინჟინერ-მექანიკოსი.

1965 წელს ვაჟა ხურცილავა მუშაობას იწყებს აფხაზეთის შინაგან საქმეთა სამინისტროს სახელმწიფო ავტოინსპექციაში, ავტოინსპექტორად. მუშაობის დაწყების დღიდანვე ვაჟამ დამსახურებული ავტორიტეტი და პატივისცემა მოიპოვა თანამშრომლებსა და სამინისტროს ხელმძღვანელებს შორის, როგორც თავისი  საქმის პროფესიონალი და კეთილსინდისიერი მუშაკი. მალე იგი, როგორც პერსპექტიული და  ნიჭიერი მუშაკი უფროსი ავტოინსპექტორის თანამდებობაზე დააწინაურეს. წლებთან ერთად მოდიოდა პოლიციის მუშაკისათვის დამახასიათებელი ცოდნა, სიბრძნე და გამოცდილება.

1978 წელს ვაჟა ხურცილავას დააწინაურეს და დანიშნეს აფხაზეთის შსს ავტოინსპექციის საერთაშორისო, სარეგისტრაციო განყოფილების უფროსად, ხოლო 1990 წლიდან აფხაზხეთის სახელმწიფო ავტოინსპექციის საპატრულო-საგზაო ასეულის უფროსად.

რთული და საპასუხისმგებლო მუშაობის წლები კეთილსინდისიერად და პატიოსნად  განვლო ვაჟა ხურცილავამ, რის გამოც შსს ხელმძღვანელობამ წაახალისა და დააჯილდოვა, მას მიენიჭა მაიორის წოდება.

აფხაზეთში საომარი მოქმედებების დაწყებისთანავე ვაჟა ხურცილავა თავის თანამშრომლებთან ერთად ერთგულად იდგა სამშობლოს ტერიტორიული მთლიანობის სადარაჯოზე. მას ერთი წუთითაც არ მიუტოვებია აფხაზეთი.

 1993 წლის 27 სექტემბერს ტყვედ აიყვანეს აფხაზმა სეპარატისტებმა. ოცდაერთდღიანი ტყვეობას თავი სასწაულებრივ დააღწია თავი მტრის კლანჭებს. მას ერთი წუთითაც ვერ წარმოედგინა სეპარატისტებისათვის როგორ უნდა დაეტოვებინა წინაპართა სისიხლით გაპოხებული მიწა-წყალი. მარადიულ ზეციურ სასუფეველში აფხაზეთის დაკარგვის დარდი თან გაიყოლია. იგი დაიღუპა სამსახურეობრივი მოვალეობის შესრულების დროს.