1880-იანი წლების ბოლოს ჯერ დიაკვნად და შემდეგ კი - მღვდლად აკურთხეს და ახაშენის ყოვლადწმინდა სამების სახელობის ეკლესიის წინამძღვრად დაინიშნა. 1892 წლის 28 იანვარს საგვერდულით, ხოლო - 1898 წლის აღდგომას სკუფიით დაჯილდოვდა. 1901 წლის 6 მაისს კამილავკა უბოძეს. ამავე წელს სიღნაღის მაზრის,
გვ 160
III ოლქის მთავარხუცესად აირჩიეს. 1915 წლის 6 მაისს წმინდა ანას ხარისხის ორდენით დაჯილდოვდა.
ისიდორე ვაჩეიშვილი მართლმ. მღვდელი 1912 წელს თელავში
1912 წლის 5 მარტს ქართველთა შორის წერა-კითხვის გამავრცელებელი საზოგადოების მთავარგამგეობას თელავის განყოფილების გამგეობამ გაუგზავნა 1911 წლის ნამდვილ წევრთა სია. განყოფილების წევრები იყვნენ: ჯიმშერ სვიმონიშვილი, თევდორე ალექსანდრეს ძე ფეოდოროვი, ვლადიმერ ზაალის ძე რობიტაშვილი, მოსე ალექსის ძე ხელაშვილი, მღვდელი რაჟდენ დარჩიაშვილი, ალექსანდრე ზაალის ძე წინამძღვრიშვილი და მღვდელი ისიდორე ვაჩეიშვილი.
