იღუმენი დოროთე (მაჭავარიანი)

იღუმენი დოროთე (ერისკაცობაში დავით ქაიხოსროს ძე მაჭავარიანი) დაიბადა 1840 წელს აზნაურის ოჯახში. განათლება მიიღო იმ დროისათვის კარგად ცნობილ სასულიერო ცენტრში, ჯრუჭის წმ. გიორგის სახელობის მამათა მონასტერში, სადაც ზედმიწევნით შეისწავლა წმიდა წერილი, საეკლესიო კითხვა-გალობა და საღვთისმსახურო ტიბიკონი. შემდგომ წლებში იგი დაოჯახდა, მაგრამ მეუღლის უეცარმა გარდაცვალებამ სრულიად შეცვალა მისი ცხოვრება.

1880-იან წლების დასაწყისში მან საბოლოოდ აირჩია მონაზვნობის გზა. 188 წლის 2 დეკემბერს მორჩილად შევიდა გელათის მონასტერში. 1887 წლის 4 ივნისს იმერეთის ეპისკოპოსმა გაბრიელმა (ქიქოძე) ბერად აღკვეცა და სახელად დოროთე უწოდა. იმავე დღეს ხელდასხმულ იქნა დიაკვნად. 1889 წლის 15 ივლისს კი  მოხდა მისი მღვდლად აკურთხეს და სამოღვაწეოდგელათის მონასტერში განაწესეს. 1901 წლის 8 სექტემბერს დაჯილდოვდა საგვერდულით. 1904 წლის 13 დეკემბერს დაინიშნა გელათის მონასტრის საძმოს სულიერ მოძღვრად. 1909 წლის 2 ივლისს დაჯილდოვდა მკერდის ოქროს ჯვრით. 1911 წლის 15 ივნისს დაინიშნა გელათის მონასტრის იკონომოსის თანაშემწედ. 1916 წლის 6 მაისს მიენიჭა იღუმენის წოდება. მისი შემდგომი ბედი და გარდაცვალების თარიღი ჩვენთვის უცნობია. 1923 წელს გელათის მონასტრის საძმოში იგი უკვე აღარ მოიხსენიება. ფოტო მოგვაწოდა გელათის სასულიერო აკადემიის პრორექტორმა გელა ხურციძემ.