1918 წელს ვეჯინის მოსახლეობა ქართველთა შორის წერა-კითხვის გამავრცელებელი საზოგადოების განყოფილების გახსნას ითხოვდა. წევრობის მსურველები იყვნენ: იოსებ (სოსო) ილიას ძე ჩიტოშვილი, ნანა ივანეს ასული ჩიტოშვილისა, ბესარიონ ფურცელაძე, კოლა ყალაბეგაშვილი, მღვდელი იოსებ ილიას ძე მაჭავარიანი, ლევან სონღულაშვილი, ალექსანდრე ქიტოს ძე ჩიტოშვილი, სიმონ ალექსის ძე ტარულოვი და სხვ.
1918 წლის 28 ივლისს ქართველთა შორის წერა-კითხვის გამავრცელებელი საზოგადოების ვეჯინის განყოფილების დამაარსებელთა კრებას ესწრებოდნენ: თავმჯდომარე იოსებ (სოსო) ილიას ძე ჩიტოშვილი, კოლა ყალაბეგაშვილი, მღვდელი იოსებ ილიას ძე მაჭავარიანი, ნანა ივანეს ასული ჩიტოშვილისა, ლევან სონღულაშვილი, ანეტა დიმიტრის ასული ანდრონიკაშვილი და ბესო ფურცელაძე.
