მირიანაშვილი დავით (1903-1972)
ბიოგრაფია
დაბადების ადგილი: ქ. ზესტაფონი.
დაამთავრა თბილისის სამხატვრო აკადემიის არქიტექტურის ფაკულტეტი 1930 წელს.
1924 წელს დაიწყო მუშაობა ბათუმის თეატრში მხატვარ-გამფორმებლად, პარალელურად განახორციელა დადგმები ქუთაისის თეატრში. 1929 წელს მის მიერ გაფორმებული იყო კ. დოღონაძის ქუთაისის სატირის თეატრის მთელი პროგრამა. ამავე წელს მიწვეულ იქნა სოხუმის თეატრის მხატვარ-გამფორმებლად. 1940 წლიდან მუშაობს: ვასო აბაშიძის სახელობის მუსკომედიის, სანკულტურის, გორის, ჭიათურის, ფოთის, თელავის, ცხინვალის, ზესტაფონის, ზუგდიდის, ახალციხის და სხვა თეატრებში. დ. მირიანაშვილს გაფორმებული აქვს 200-მდე სპექტაკლი. მათ შორის-ქუთაისში(1926-1950): ვიგებოილის "ვინ არის ყველაზე სულელი", შ. დადიანის "გუშინდელნი", მ. ჯავახიშვილის "ჯაყოს ხიზნები", ბ. ლავრენიოვის "რღვევა" და ა. შ.; სოხუმის ქართულ დრამატულ თეატრში(1929-1940): პ. კაკაბაძის "ყვარყვარე თუთაბერი", გრ. რობაქიძის "ლამარა", დ. ერისთავის "გაყრა", ფ. შილერის "ყაჩაღები", "ფიესკოს შეთქმულება", შ. დადიანის "გუშინდელნი", ვოინიჩის "კრაზანა" და სხვ.; ჭიათურის თეატრში(1950-1951): ლოპე დე ვეგას "ცხვრის წყარო", ვოინიჩის "კრაზანა", ა. ყაზბეგის "ხევისბერი გოჩა", აკ. წერეთლის "ბაში-აჩუკი", ა. სუმბათაშვილის "ღალატი"; თბილისის ვ. აბაშიძის სახ. მუსიკალური კომედიის თეატრში: ა. ტოლსტოის "ოქროს გასაღები", ზ. ანტონოვის "მზის დაბნელება საქართველოში", აკ. წერეთლის "ნათელა" და სხვ.
წყარო: ხელოვნების კალენდარი: თეატრი, მუსიკა, კინო.- თბ., 1993.- გვ. 46
ჯილდოები, პრემიები და პრიზები
- 1967 - საქართველოს დამსახურებული მხატვარი