მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
რევაზ ირაკლის ძე კვარაცხელია დაიბადა 1958 წლის 11 მარტს ზუგდიდში.
ზუგდიდის №4 საშუალო სკოლის დამთავრების შემდეგ სწავლა განაგრძო თბილისის სამხატვრო აკადემიაში. 1977 წელს აკადემიის დამთავრების შემდეგ მუშაობა დაიწყო ქალაქ სოხუმში.
მეგობრობით,ვაჟკაცობით გამორჩეული რევაზი აფხაზეთის კონფლიქტის დაწყებისთანავე ჩაირიცხა საქართველოს რესპუბლიკის თავდაცვის სამინისტროს მეორე სარმიო კორპუსის 23-ე მექანიზირებული ბრიგადის მე-6 ცალკეული სატანკო ბატალიონის პირველი ასეულის რიგით მებრძოლად. 1992 წლის სექტემბრიდან აქტიურად მონაწილეობდა მდინარე გუმისთასთან გამართულ ორთაბრძოლებში.რევაზ კვარაცხელია ,მოწინააღმდეგის ერთ-ერთი შემოტევის დროს,1992 წლის 9 დეკემბერს,მდინარე გუმისთის პირას, საავტომობილო ხიდის მახლობლად,სასიკვდილოდ დაიჭრა და ადგილზე გარდაიცვალა. თანამებრძოლებმა (ანზორ კვარაცხელია,იური ჯიშკარიანი,,ვახო ჯიშკარიანი) მოახერხეს დაღუპულის ტყვიების წვიმიდან გამოყვანა.დაკრძალულია ქალაქ ზუგდიდში.
რევაზ კვარაცხელიას დარჩა ცოლ-შვილი.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის,ვაჟკაცობისა და თავგანწირვისათვის რევაზ კვარაცხელია,სიკვდილის შემდეგ,დაჯილდოვდა მედლით „მხედრული მამაცობისთვის“.
