დაიბადა 1954 წლის 22 იანვარს გორის რაიონის სოფელ ერგნეთში, რომელიც ესაზღვრება ცხინვალს. სწავლობდა ცხინვალის პირველ საშუალო სკოლაში, შემდეგ სწავლა განაგრძო თბილისის სახელმწიფო პოლიტექნკურ ინსტიტუტში. უმაღლესი სასწავლებლის დამთავრებისთანავე მამა-პაპათა სამკვიდროს დაუბრუნდა და მუშაობა დაიწყო ცხინვალის მეცამეტე საგზაო სარემონტო-სამშენებლო სამმართველოში, სადაც მოკლე დროში ავტორიტეტი და სიყვარული დაიმსახურა.

1992 წლის 8 ივნისს ცხინვალის შესასვლელთან ერთ-ერთი შეტაკების დროს მტრის ტყვიამ სიცოცხლეს გამოასალმა ეს 38 წლის ვაჟკაცი. დაობლდა კიდევ ერთი ქართული ოჯახი. კოტეს დარჩა ახალგაზრდა მეუღლე – ლაურა ბაბუციძე, ორი ვაჟი – 12 წლის ტრისტანი, 1I წლის ზურაბი და მოხუცი მამა.

კოტე კასრაძე ამ წუთისოფლიდან იმის ღრმა რწმენით წავიდა, რომ მისი საფიცარი საქართველო ძლიერი და ბედნიერი იქნებოდა. რა ვქნათ, რომ ვერ მოესწრო ასეთ საქართველოს, ვერ იხილა მისი საყვარელი სამაჩაბლო მტრისგან გათავისუფლებული. მწამს, რომ ბედნიერ საქართველოს მისი შვილები – ტრისტანი და ზურაბი იხილავენ და უპატრონებენ.

მზია კასრაძე