ნიკოლოზ ტატიშვილი დაიბადა 1962 წლის 20 იანვარს. მუხრანის საშუალო სკოლის 8 კლასის დამთავრების შემდეგ სწავლა განაგრძო
წინამძღვრიანთკარის სასოფლო-სამეურნეო ტექნიკუმში, ვეტერინარიის განხრით. შემდეგ გაიწვიეს სავალდებულო სამხედრო სამსახურში, საიდანაც ავადმყოფობის გამო გათავისუფლდა 1982 წლის მაისში. მუშაობდა მუხრანის მეფრინველეობის ფაბრიკაში ელექტრომეკანიკოსად. შექმნა ოჯახი.
აფხაზეთის კონფლიქტის დროს მოხალისედ ჩაეწერა ბატალიონ „თეთრ არწივში“. იყო მეტყვიამფრქვევე. 27 სექტემბერს, სოხუმის დაცემის დღეს, მონაწილეობდა კოდორის დაცვაში, მას შემდეგ ითვლება უგზო-უკვლოდ დაკარგულად.