დაამთავრა იაკობ გოგებაშვილის სახელობის თელავის სახელმწიფო უნივერსიტეტის ფილოლოგიის ფაკულტეტი და შოთა რუსთაველის სახელობის ქართული ლიტერა-ტურის ინსტიტუტის ასპირანტურა.

1967 წლიდან მუშაობდა იაკობ გოგებაშვილის სახელობის თელავის სახელმწიფო უნივერსიტეტში. იყო ქართული ლიტერატურის კათედრის დოცენტი, პროფესორი, გამგე, პრორექტორი სამეცნიერო ნაწილში. პედაგოგიური საქმიანობის პარალელურად ეწეოდა სამეცნიერო მოღვაწეობას. იკვლევდა ქართული ლიტერატურის, ფოლკლორისა და წიგნთმცოდნეობის საკითხებს. მონოგრაფიულად შეისწავლა თელავის ლიტერატურული ცხოვრება XVII-XX საუკუნეების განმავლობაში. ავტორია 100-ზე მეტი სამეცნიერო ნაშრომისა, მათ შორის 12 წიგნისა. შეადგინა, შესავლით ან ბოლოსიტყვაობით გამოსცა: ნარკვევი "ალექსანდრე ჭავჭავაძე" (1986), იოსებ მჭედლიშვილის ლექსების კრებული "ფერადი მძივი" (1988), გალაკტიონ ტაბიძის ლექსების კრებული "ალზიორა" (1991), ალექსანდრე ორბელიანის ნარკვევი "თელავი" (1997), გიორგი ლეონიძის "ნამცვრევი" (2000), თელავზე დაწერილი ლექსების კრებული სახელწოდებით: "ფილტვად აქვს კახეთს თელავი" (2000), მათე ალბუთაშვილის ნაშრომი "პანკისის ხეობა (ისტორიულ-ეთნოგრაფიული და გეოგრაფიული აღწერა)" (2005). სამეცნიერო ხელმძღვანელობა გაუწია პროექტს: "XIX-XX საუკუნეების ქართველ მწერალთა ეპისტოლური მემკვიდრეობის აკადემიური გამოცემა" (2011), რის შედეგადაც მრავალტომეული გამოიცა. ავტორია მოთხრობებისა, რომელიც გამოქვეყნდა სახელწოდებით "ციდეულები". ფილოლოგიის მეცნიერებათა დოქტორი (1994), პროფესორი (1995).

• წინანდლის საპატიო მოქალაქე
• იაკობ გოგებაშვილის სახელობის მედლი (გორის სახელმწიფო უნივერსიტეტის ჯილდო)
• ღირსების ორდენი

• ქალთა განათლების კერები თელავში (თანაავტორი). - თბილისი, 2010. - 112გვ.
• ლექსისა და სიმღერის კვალდაკვალ (ავტორი). - თბილისი, 2004. - 175გვ.
• წერილების ოთხკარედი (ავტორი). - ბათუმი, აჭარა, 2001. - 228გვ.
• ელენე დარიანის ლეგენდა და სინამდვილე (ავტორი). - თბილისი, 2001. - 188გვ.
• შეხვედრები გიორგი ლეონიძესთან : ნარკვევები (ავტორი). - თბილისი, 2000. - 110გვ.
• გიორგი ლეონიძის თვალსაწიერი (ავტორი). - თბილისი, 1999. - 68გვ.
• თელავის ლიტერატურული ბოჰემა (ავტორი). - თბილისი, 1998. - 64გვ.
• ორი სახელის გახსენება : პედაგოგები ნ. მთვარელიშვილი, გ. ყაზახაშვილი (ავტორი). - თბილისი, საბჭ. საქართველო, 1982. - 66გვ.
• წიგნი და გამომცემელი : ბათუმის ქართული წიგნის ბეჭდვის ისტორიიდან (ავტორი). - ბათუმი, საბჭოთა აჭარა, 1980. - 75გვ.
• http://www.nplg.gov.ge/bios/ka/00014768/