მერი დავითაშვილი ( 14 ნოემბერი 1907-1975) მსახიობი.

დაბადების ადგილი: სოფელი მელაანი, გურჯაანის რაიონი.

დაამთავრა აკაკი ფაღავას დრამატული სტუდია 1926 წელს.

1921 წლიდან მონაწილეობდა სცენისმოყვარეთა წარმოდგენებში; მცირე ხნით მუშაობდა თბილისის შოთა რუსთაველის სახელმწიფო თეატრში; 1927 წლიდან თბილისის მუშათა თეატრში; 1928 წლიდან გარდაცვალებამდე მოღვაწეობდა კ. მარჯანიშვილის სახელობის თეატრში; შექმნა ისეთი დაუვიწყარი სახეები, როგორიცაა: ხორეშანი (ი. ჭავჭავაძის "კაცია ადამიანი?!"), ანა პავლოვნა (ა. სამსონიას "ბაგრატიონი"), პეპელა (გ. მდივნის "ვარდო"), ქარმინია (შექსპირის "ანტონიოს და კლეოპატრა"), ნიმფა (მ. ბარათაშვილის "ჩემი ყვავილეთი"), ჯავარა (ვაჟა–ფშაველას "მოკვეთილი"); კინოში შესრულებული აქვს შემდეგი როლები: თიმსალ-მაკო ("ბაში-აჩუკი", 1956), მარო ("ნინო", 1959), თებრო ("თეთრი ქალიშვილი"), ქაბატო( "ქეთო და კოტე",1948), არჩილის გამზრდელი ("ოთარაანთ ქვრივი", 1957).