სამსახურებრივი მოვალეობის შესრულების დროს ტრაგიკულად დაიღუპა.
საქართველოს რესპუბლიკის საინფორმაციო-სადაზვერვო სამსახურის საგამოძიებო განყოფილების განსაკუთრებით მნიშვნელოვან საქმეთა უფროსი გამომძიებელი, იუსტიციის კაპიტანი – გელა იოსების ძე კიკნაძე.
როგორ ელოდი იმ დღეს, როდესაც შენს სათაყვანებელ სამშობლოში სიმშვიდე და ბედნიერება დამკვიდრდებოდა, ისევ ამღერდებოდა ყველა ქართველი,
ასეთივე ლამაზი ხმით, როგორითაც შენ თვითონ უმღეროდე სიცოცხლესა და სიყვარულს, მაგრამ უმოწყალო საწუთრომ ნაადრევად მოგისწრაფა სიცოცხლე.
აი, უკვე მერამდენედ ძმამ ძმაზე ასწია ხელი და თითოეულ ქართველს აგრძნობინა თავისი უმწეობა.
აღარ გვყავს გელა – კაცი, რომელიც იმ ძნელადმოსაგონებელ ახლო წარსულშიც კი ჭეშმარიტი პატრიოტისა და პროფესიონალის პოზიციებზე იდგა. საკუთარი სინდისისა და მეგობრების წინაშე იგი ყოველთვის მართალი იყო.
მხოლოდ 35 წელი იცოცხლე საქართველოზე, ქართველობაზე, ძმობაზე და ოჯახზე უზომოდ შეყვარებულო ვაჟკაცო. შენი უდროოდ წასვლა მოუშუშებელ ტკივილად დარჩებათ შენს მეგობრებს.