ზაზა კიკნაძე
აფხაზეთის ომმა დაობლა გოგა და შოთიკო, შავები ჩააცვა ახალგაზრდა ქალს ნათია კიკნაძეს, სამუდამო ტკივილი დაუტოვა მშობლებს ჟუჟუნა და შოთა კიკნაძეებს.
ზაზა კიკნაძე, პროფესიით ინჟინერი, ერთ იმათთაგანია, ვინც უყოყმანოდ მიიტანა თავისი სიცოცხლე სამშობლოს სამსხვერპლოზე. დაიღუპა სოფელ ტამიშთან უთანასწორო ბრძოლაში,
თავის მეგობრებთან ერთად ტამიშთან, უთანასწორო დესანტთან ბრძოლისას დაჭრილთა საშველად მიეშურებოდა სამედიცინო მანქანით თავის კოლეგებთან ერთად. მტერმა არად ჩააგდო სამედიცინო მანქანის დახმარების ნიშანი და სროლა აუტეხა. სამივენი ხელჩართულ ბრძოლაში ჩაებნენ და გმირულად დაიღუპნენ.
სამივე გმირმა უყოყმანოდ მიიტანა თავისი სიცოცხლე სამშობლოს სამსხვერპლოზე. მათ უყვარდათ სამშობლო.. და სიტყვით რომ ვერ გაუმხილეს გრძნობები, გული ვერ გადაუშალეს, საქმით დაუმტკიცეს ერთგულება და სიყვარული.
სამშობლოს დაცვისა და ერთიანობისათვის ბრძოლაში გამოჩენილი გმირობის, მამაცობისა და თავდადებისათვის საქრთველოს რესპუბლიკის თავდაცვის სამინისტროს სამხედრო მოსამსახურეები დაჯილდოვდნენ საქართველოს სახელმწიფო ჯილდოთი (სიკვდილის შემდეგ).
ირაკლი დვალიძე, ლევან მაჭავარიანი, ზაზა კიკნაძე.
სწორედ აფხაზეთში დამთავრდა სამი ვაჟკაცის სიცოცხლე. ხვედრი ერთი იყო სამივესთვის-- წამებული საქართველოსთვის წამებით სიკვდილი.სამივენი დასაფლავებულია საბურთალოს საზოგადო მოღვაწეთ აპანთეონში.
მეგობრებო ჩვენი გზა.
გასწევს წელთა მრავლობას,
იგი მუდამ დარჩება.
ხსოვნად შთამომავლობას.
გალაკტიონი
მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი