ფეიქრიშვილი ალექსანდრე (ალბერტი) მურაზის ძე – დაიბადა 1954 წლის 1 ოქტომბერს სოფელ ზემო ხანდაკში.
დაამთავრა სოფლის საშუალო სკოლა, თბილისის პროფესიულ-ტექნიკური სასწავლებელი. 1992 წლის 22 აგვისტოდან მსახურობდა ეროვნული გვარდიის #17363 სამხედრო ნაწილში.
დაიღუპა 1992 წლის 18 (თუ 23) სექტემბერს ქ. სოხუმში, საბრძოლო მანქანის აფეთქების მომენტში. დაკრძალულია სოფელ ზემო ხანდაკში.
საქართველოს რესპუბლიკის პრეზიდენტის 1995 წლის 18 დეკემბრის ბრძანებულებით დაჯილდოებულია (სიკვდილის შემდეგ) ვახტანგ გორგასლის მე-3 ხარისხის ორდენით.
დარჩა მეუღლე და ქალ-ვაჟი.
მოგვაწოდა ვანო ჯახუამ ვებ გვერდი kaspi.ge დამფუძნებელი
ალე (ჩაგუნა) ფეიქრიშვილი დაიბადა 1954 წლის 1 ოქტომბერს, კასპის რაიონის სოფელ ზემო ხანდაკში.
დაამთავრა ხანდაკის საშუალო სკოლა. შემდეგ სწავლა განაგრძო პროფტექნიკურ სასწავლებელში ავტოშემკეთებლის სპეციალობაზე. სასწავლებლის დამთავრების შემდეგ გაიწვიეს სამხედრო-სავალდებულო სამსახურში, რომელიც პირნათლად მოიხადა: ჰყავს მამა, და, მეუღლე და ორი შვილი. დედა ადრე გარდაეცვალა, ის იყო მაშინდელი საქართველოს უმაღლესი საბჭოს დეპუტატი. მან მთელი თავისი პატიოსანი ცხოვრება სამშობლოს სიყვარულს, ერის სამსახურს შესწირა.
შვილებსაც სამშობლოს სიყვარული ჩაუნერგა. ალეს უზომოდ უყვარდა სამშობლო, თავისი კუთხე. სადაც არ უნდა ყოფილიყო, ყოველთვის ირგვლივ მყოფთ იწვევდა პაექრობაში საქართველოს ისტორიის ცოდნაში, შეეძლო უსასრულოდ ელაპარაკა ჩვენი ერის ისტორიაზე და დაეჯაბნა ირგვლივ მყოფნი. აკი,ამიტომაც ვერ დარჩა გულგრილი აფხაზეთის ომის გამო. მოხალისედ ჩაეწერა კასპის ბატალიონში და წავიდა საქართველოს მიწა-წყლის დასაცავად. ცოლისთვის ეთქვა: „ვიდრე მტერი ჩემს სოფლამდე მოვა და ცოლ-შვილს ამიწიოკებს, იქ. უნდა წავიდე და სამშობლო უნდა დავიცვაო“
რამდენიმე ხანს იბრძოლა, შემდეგ ცოლ-შვილს მონატრებული დაბრუნდა სახლში, უკანასკნელად მოეფერა შვილებს – ეკას და მურიკოს და ისევ წავიდა...ცოლისთვის დაებარებინა მალე დავბრუნდებიო, მაგრამ ვაგლახ. რომ მართლაც მალე დაბრუნდა, სამი დღის შემდეგ იბრძოდა წინა ხაზთან ეშერასთან ,20 სექტემბერს,ღამის 2 საათზე,დაზვერვაზე მიდიოდა,მაგრამ მტრისგან გამოსროლილი ჭურვი რამდენიმე მეტრში აფეთქდა და ჩაიფერფლა მისი სიცოცხლე.
დაკრძალვიდან სამი დღი შემდეგ 1 ოქტომბერს 38 წელი შეუსრულდებოდა.
ინფორმაცია აღებულია ამირან ტალახაძე 12 თებერვალი 1953 წელი ცხოვრობს კასპი
