გიორგი დავითის ძე შენგელია (დ. 24 აპრილი, 1908 — გ. 22 დეკემბერი, 1981)

— საბჭოთა სამხედრო პირი და მაიორი. მონაწილეობა მიიღო მეორე მსოფლიო ომში, ამ პერიოდში მას მიენიჭა საბჭოთა კავშირის გმირის წოდება ხერსონის განთავისუფლებისა და მდინარე დნეპრის გადალახვის დროს გამოჩენილი მამაცობისათვის. 1967 წელს მიენიჭა ქალაქ ხერსონის საპატიო მოქალაქის წოდება. 1932 წლიდან გარდაცვალებამდე იგი იყო საბჭოთა კავშირის კომუნისტური პარტიის წევრი.

გიორგი შენგელია დაიბადა 1908 წლის 24 აპრილს, 1926 წელს დაამთავრა სკოლა. დაამთავრა თბილისის სახელმწიფო უნივერსიტეტის იურიდიული ფაკულტეტი. 1928-1932 წლებში ირიცხებოდა წითელ არმიაში. მსახურობდა საქართველოს მე-2 მსროლელ პოლკში, ქალაქ ბათუმში. 1932 წელს გახდა სკკპ-ს წევრი. 1939 წელს მიენიჭა უმცროსი ლეიტენანტის წოდება, 1940 წელს კი — უფროსი პოლიტხელის. მეორე მსოფლიო ომის პერიოდში მიენიჭა საბჭოთა კავშირის გმირის წოდება. 1945 წელს მაიორი გიორგი შენგელია სამსახურიდან გადადგა. გარდაიცვალა 1983 წლის 22 დეკემბერს, ქალაქ თბილისში.

•  საბჭოთა კავშირის გმირი
•  ლენინის ორდენი
•  ალექსანდრე ნეველის ორდენი
•  სამამულო ომის ორდენი, I ხარისხი
•  სამამულო ომის ორდენი, II ხარისხი
•  მედალი „კავკასიის დაცვისათვის“
•  მედალი გერმანიასთან გამარჯვებისათვის დიდ სამამულო ომში (1941-1945)
•  მედალი ბერლინის აღებისათვის