ბადრი შენგელია შალიკოს ძე დაიბადა 1970 წლის 24 მარტს. გალის რაიონის სოფ. რეფში.
რეფელი ახალგაზრდების გარკვეული ნაწილი თავდადებითა და ვაჟკაცურად იბრძოდნენ სხვადასხვა ფრონტზე საქართველოს ტერიტორიული მთლიანობისათვის და აქტიურად მონაწილეობდა პარტიზანულ მოძრაობაში. მათ დაამტკიცეს, რომ შეუძლიათ სამშობლოს სადარაჯოზე მედგრად დგომადა საჭიროების შემთხვევაში სიცოცხლის გაწირვა. ამის ნათელი მაგალითია შენგელია ბადრი შალიკოს ძის თავდადება მამულისათვის.
ბადრი შალიკოს ძე შენგელია ჩარიცხული იყო და მსახურობდა თიანეთის ასეულში რიგით გვარდიელად 1992 წლის 01 მარტიდან.
მონაწილეა საქართველოს ტერიტორიული მთლიანობისათვის წარმოებული ბრძოლების აფხაზეთის რეგიონში, კერძოდ, 1992 წლის აგვისტო - სექტემბერი, ოქტრომბერი - გაგრა, სოხუმი.
ბადრი იყო სიკეთითა და ვაჟკაცობით გამორჩეული, უთქმელი, თუ ვინმე რამეს აწყენინებდა, მის მეტი ვერავინ გაიგებდა, არასოდეს ვინმეს არ დააბეზღებდა. დიდი მოყვარული მოყვარე, პატრიოტული და კეთილი სულისკვეთების. მიუხედავად ამისა სამშობლოს სიყვარულს ვერ დაუთმობდა ვერავის, ასე თვლიდა სამშობლო ქვეყანაზე ერთ, როგორც დედა მშობელი. სამშობლოს რომ გაუჭირდა, დადგა იქ, სადაც იხმობდა- პატრიოტული სიყვარული.
ბადრი შალიკოს ძე შენგელია დაიღუპა საბრძოლო მოქმედებების დროს აფხაზეთის რეგიონში სოფ. ზემო კინდღში 1993 წლის 10 ივლისს.
ცხოვრება მიდის, გრძელდება. ყველაფერი თავის კალაპოტში დგება. . . რჩება გატეხილი გულები და აცრემლებული თვალები . . .
იქნებ, შენ უფრო ბედნიერიც ხარ ახლა, ბადრი, სამშობლოს სიცოცხლე, რომ ანაცვალე. შენ გმირი ხარ. უკვდავი. შენ ძეგლად დგახარ ჩვენს შორის!
ჩვენ შეიძლება ბრძოლაში მოვკვდეთ, მაგრამ არც მაშინ ვტოვებთ სიცოცხლეს“. . . თამამად შეიძლება ეს სიტყვები წარმოვთქვათ ბადრი შენგელიაზე.
და მართლაც, ადამიანი ხომ მანამდე ცოცხლობს, ვიდრე მის სახელს იხსენებენ. . .
და ეს სახელები უკვდავია გმირების სიაში.
მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი