მდიდარი ქართველები და საქართველოდან სრული სია 

150 ყველაზე მომგებიანი კომპანია 2021 წელი

http://www.compromat.ru/page_20210.htm

Valeri Gelashvili, Валерий Гелашвили

ვალერი გელაშვილი (დ. 18 იანვარი, 1960, ხაშური) — ქართველი ბიზნესმენი, პოლიტიკოსი,

 საქართველოს პარლამენტის ოთხგზის 1999, 2003, 2012, 2016 წევრი. გელაშვილს ეკუთვნოდა სამშენებლო კომპანია „ევრა“,რომელიც 2005 წელს აშენებდა ავლაბრის რეზიდენციას, თუმცა კომპანიასა და სახელმწიფოს შორის დავა წარმოიშვა და მშენებლობა სხვა კომპანიას გადაეცა.

ვალერი გელაშვილი დაიბადა 1960 წლის 18 იანვარს, ხაშურში. 1976 წელს დაამთავრა ამიერკავკასიის რკინიგზის ხაშურის №3 საშუალო სკოლა; 1977-1981 წლებში სწავლობდა საქართველოს სახელმწიფო ფიზიკური კულტურის ინსტიტუტში, მასწავლებლის სპეციალობაზე. 1981-1991 წლებში მუშაობდა ფიზიკური კულტურის მასწავლებლად; 1991-1999 წლებში იყო დახურული სააქციო საზოგადოება V&G-ს გენერალური დირექტორი. 2006-2012 წლებში მეორედ გახდა დსს V&G-ს გენერალური დირექტორი. 2011-2012 წლებში კი იყო შპს „ევრას“ დირექტორი.

ვალერი გელაშვილი 1999-2004 წლებში იყო ხაშურის რაიონის მაჟორიტარი დეპუტატი საქართველოს მე-5 მოწვევის პარლამენტში. 2004-2006 წლებში კვლავ გახდა საქართველოს მე-6 მოწვევის პარლამენტის პარლამენტის მაჟორიტარი დეპუტატი. 2005 წლის 14 ივლისს მას თავს დაესხნენ. 2006 წელს პარლამენტმა მას უფლებამოსილება შეუწყვიტა.^[1][2] 2012 წლიდან არის „ქართული ოცნება — დემოკრატიული საქართველოს“ წევრი;^[3] 2012-2016 წლებში — საქართველოს მე-8 მოწვევის პარლამენტის წევრი (ხაშურის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“. ^[4] 2020 წლის 18 თებერვლიდან 11 დეკემბრამდე იყო საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.