ივანე მჭედლიშვილი (1872-1933) მსახიობი.
მისი პირველი გამოსვლა სცენაზე ტრიუმფით დამთავრდა. ლადო მესხიშვილთან ითამაშა ლაერტი("ჰამლეტი"); საუცხოო გარეგნობისა და ტემპერამენტის მსახიობმა მოხიბლა მთელი თეატრი; შემდეგი როლი ლ. მესხიშვილმა ქუთაისის თეატრში, კარლ მოორის როლი დააკისრა; ქალაქ ფოთის თეატრალურ სცენაზე ლევან ხიმშიაშვილის("სამშობლო") როლით წარსდგა და მაყურებლის დიდი მოწონება დაიმსახურა. იგი მოღვაწეობდა ისეთ კორიფეებთან ერთად, როგორებიც იყვნენ: შალვა დადიანი, ვასო აბაშიძე, ლადო მესხიშვილი, ბაბო ავალიშვილი, მაკო საფაროვა და სხვ.
