არქიმანდრიტი ნიკიფორე (კანდელაკი)
არქიმანდრიტი ნიკიფორე (კანდელაკი) დაიბადა 1831 წელს. საეკლესიო განათლება მიიღო გელათის მონასტერში. 1852 წლის 1 ივნისიდან ოზურგეთის საკათედრო ტაძრის, 1853 წლის 1 ოქტომბრიდან ქუთაისის საკათედრო ტაძრის მედავითნეა. 1854 წელს გახდა იპოდიაკონი. 1860 წლის 8 მარტს გელათის მონასტერში აღიკვეცა ბერად, 9 მარტს დიაკვნად აკურთხეს, ხოლო 24 მარტს კი ხელი დაასხეს მღვდლად. 1864 წლის 10 იანვარს დაინიშნა ქუთაისის საკათედრო ტაძრის ქართულ და რუსულ მგალობელთა გუნდისხელმძღვანელად. 1866 წლის 7 თებერვალს დაინიშნა გელათის წმ. გიორგის ეკლესიის წინამძღვრად და მონასტრის ეკონომოსად. 1871 წლის 1 ნოემბრიდან 1872 წლის 14 ივნისამდე გელათის წინამძღვრის მოვალეობის დროებითი შემსრულებელია.
1872-92 წლებში კაცხის მონასტრის წინამძღვარია. 1872 წლის 17 ნოემბერს იღუმენის, ხოლო 1888 წლის 15 მაისს არქიმანდრიტის წოდება მიენიჭა. 1892 წლის 7 მარტიდან ჭელიშის მონასტრის წინამძღვარია, ხოლო 1897 წლის 29 მარტს დაინიშნა ჯრუჭის მონასტრის წინამძღვრად. 1897-98 წლებში გაიყვანა მონასტერში ახალი წყაროს წყალი, ერთი ვერხი და 400 საჟენიდან, სოფელ კალაუტაში გადააკეთა მონასტრის ოთხთვალიანი წისქვილი, ამ დამსახურებათა გამო 1898 წლის 14 ივნისს დაჯილდოვდა წმ. ანას II ხარისხის ორდენით. 1905 წლის 6 მაისს დაჯილდოვდა წმ. ვლადიმერის IV ხარისხის ორდენით. 1906 წლის ნოემბრიდან 1911 წლის 13 დეკემბრამდე (გარდაცვალებამდე) გელათის მონასტრის წინამძღვარია. დაკრძალულია გელათის მონასტრის ეზოში. ფოტო მოგვაწოდა ბატონმა შოთა ობოლაძემ არქიმანდრიტ ნიკიფორეს ბიოგრაფიული ცნობები მოგვაწოდა ბატონმა მერაბ კეზევაძემ.
