1943-1948წწ. მუშაობდა პედაგოგად საშუალო და უმაღლეს სასწავლებლებში; 1948-1952წწ. იყო საბავშვო ლიტერატურის გამომცემლობის "საბლიტგამის" მთავარი რედაქტორი, 1952-19055წწ. ჟურნალ "დროშის" რედაქტორის მოადგილე, 1955-1957წწ. ჟურნალ "ნიანგის" და 1957-1963წწ. ჟურნალ "ცისკრის" რედაქტორი; 1963-1967წწ. საქართველოს სსრ კულტურის სამინისტროს ხელოვნების სამმართველოს უფროსი; 1967-1973წწ. ხელმძღვანელობდა გამომცემლობა "საბჭოთა საქართველოს", 1973-1987წწ. იყო გაზეთ "ლიტერატურული საქართველოს" მთავარი რედაქტორი, ხოლო 1987-1991წწ. გამომცემლობა "ნაკადულის" დირექტორი. პირველი თარგმანი - უ. შექსპირის "რომეო და ჯულიეტა" გამოაქვეყნა 1945 წელს; პირველი ორიგინალური თხზულება, ბიოგრაფიული რომანი "ცხოვრება ივანე მაჩაბლისა" 1955 წელს; თარგმნა უილიამ შექსპირის, ჯონ ფლეჩერის, ჯონ მილტონის, დანიელ დეფოს, უოლტერ სკოტის, ჩარლზ დიკენსის, ჯონ გოლზუორთის, ჯეკ ლონდონის, მარკ ტვენის, ერნესტ ჰემინგუეის, ჯონ სტაინბეკის, ჯერომ სელინჯერის და სხვ. თხზულებანი, ლიტერატურულ-კრიტიკული და პუბლიცისტური წერილები, ესეები; განსაკუთრებით აღსანიშნავია ჭელიძის მხატვრულ-დოკუმენტური ვრცელი თხზულება "ქართლის ცხოვრების ქრონიკები" (ტ. 1-4, 1973-1983). არის მრავალი წიგნის, პუბლიცისტური წერილის, თარგმანის, ლიტერატურული პორტრეტისა და პუბლიცისტური წერილის ავტორი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.390

• 2003 - ლიტერატურული პრემია "საბა", ქართული ლიტერატურის განვითარებაში შეტანილი განსაკუთრებული წვლილისათვის
• 1998 - საქართველოს სახელმწიფო პრემია
• 1978 - ივანე მაჩაბლის სახელობის პრემია
• ხალხთა მეგობრობის ორდენი
• საპატიო ნიშნის ორდენი (2 ორდენი)
• ღირსების ორდენი
• საქართველოს ხელოვნების დამსახურებული მოღვაწე

• ძვირფასი სილუეტები (სტატიები) (ავტორი). - თბილისი, მერანი, 1989. - 576გვ.
• ცხოვრება ივანე მაჩაბლის : ლიტერატურული პორტრეტები (ავტორი). - თბილისი, მერანი, 1987. - 608გვ.
• ქართლის ცხოვრების ქრონიკები/ მოთხრობილი ვახტანგ ჭელიძის მიერ : წ. 3 : XI-XII სს. (ავტორი). - თბილისი, ნაკადული, 1980. - 517გვ.
• ქართლის ცხოვრების ქრონიკები/ მოთხრობილი ვახტანგ ჭელიძის მიერ : წ. 2: მე-9 საუკ-დან დავით აღმაშენებლის ეპოქამდე (ავტორი). - თბილისი, ნაკადული, 1976. - 430გვ.
• ფიქრები ხვალინდელ დღეზე (ავტორი). - თბილისი, მერანი, 1975. - 335გვ.
• ქართლის ცხოვრების ქრონიკები/ მოთხრობილი ვახტანგ ჭელიძის მიერ : წ. 1 : უძველესი დროიდან ახალი წელთაღრიცხვის მე-9 ს. დასასრულამდე (ავტორი). - თბილისი, ნაკადული, 1973. - 881გვ.
• წერილები : ლიტერატურული პორტრეტები (ავტორი). - თბილისი, მერაბი, 1971. - 298გვ.
• ივანე მაჩაბელი (ავტორი). - თბილისი, ნაკადული, 1968. - 403გვ.
• http://www.nplg.gov.ge/bios/ka/00000587/