ახალაძე ადამი (მორჩილი ზაბულონი, ვახტანგი) არქიმანდრიტი
2014წ. მდგომარეობით არქიმანდრიტი მცხეთა-თბილისის ეპარქია
საპატრიარქოს უწყებანი N13 8-13აპრილი 2004წ გვ.5
ბერად აღკვეცა
2004 წლის 4 აპრილს, ბზობის დღესასწაულზე, უწმიდესისა და უნეტარესის, სრულიად საქართველოს კათოლიკოს-პატრიარქის, ილია II ლოცვა-კურთხევით თაბორის მთის ფერიცვალების მამათა მონასტრის წინამძღვარმა, იღუმენმა ბართლომემ ამავე მონასტერში ბერად აღკვეცა მედიცინის მეცნიერებათა დოქტორი, მორჩილი ზაბულონი (ვახტანგ ახალაძე) და მას ადამი უწოდა.
საპატრიარქოს უწყებანი N48 24-31 დეკემბერი 2004წ გვ.6
პირველი ხელდასხმები ყოვლადწმიდა სამების საპატრიარქო ტაძარში
19 დეკემბერს, წმიდა ნიკოლოზის ხსენების დღეს უწმიდესმა და უნ ეტარესმა, სრულიად საქართველოს კათოლიკოს-პატრიარქმა ილია II ყოვლადწმიდა სამების საპატრიარქო ტაძარში მღვდლად დაასხა ხელი ბერდიაკონ ადამს (ახალაძე). იმავე დღეს ყოვლადწმიდა სამების საპატრიარქო ტაძარში თბილისის სასულიერო აკადემიის 1 კურსის სტუდენტს კახაბერ გოგოტიშვილს დიაკვნად დაასხეს ხელი. ორივე მათგანი ყოვლადწმიდა სამების საპატრიარქო ტაძარში იმსახურებენ.
საპატრიარქოს უწყებანი N33 29სექტემბერი-5ოქტომბერი 2005წ გვ.5
დაჯილდოება
27 სექტემბერს, ჯვართამაღლების ბრწყინვალე დღესასწაულზე უწმიდესმა და უნეტარესმა, სრულიად საქართველოს კათოლიკოს-პატრიარქმა ილია II ყოვლადწმიდა სამების საპატრიარქო ტაძარში იღუმენის ხარისხში აიყვანა და ოქროს ჯვრითა და ენქერის ტარების უფლებით დააჯილდოვა ამავე მონასტრის მღვდელმონაზვნები სერაფიმე (ჭედია), დოსითე (ბოგვერაძე) და ადამი (ახალაძე).