ივანე აბულაძე ( დაბ.1959)
ბიოგრაფია
დაბადების ადგილი: ქ. ბაღდათი.
სწავლობდა თბილისის სახელმწიფო სამხატვრო აკადემიის გრაფიკის ფაკულტეტზე (1978-1984), სსრკ სამხატვრო აკადემიის გრაფიკის შემოქმედებით სახელოსნოში (1984-1986).
იყო სახვითი ხელოვნების პედაგოგი ბაღდათის რაიონის სოფ. ფერსათის საშუალო სკოლაში (1984-1985), მხატვართა კლუბის "ფიროსმანი" დირექტორის მოადგილე (1988); 1995 წლიდან ძირითადად მუშაობს გერმანიაში, მიუნჰენში. გამოფენებში მონაწილეობს 1976 წლიდან. ძირითადი ნამუშევრები: ლითნოგრაფიების სერიები - "სვანეთის ცის ქვეშ" (1987); ოფორტები - "კაცია-ადამიანი?!" (1987); "ადამიანი და კოსმოსი", "მიქელანჯელოს და ლეონარდოს ნახატების ვარიაციები", "ნატურმორტები" (1988), ტრიპტიქი "ერთხელ მხოლოდ ისიც ძილში" (აკაკის ლექსის მიხედვით, 1990); სერია "ჩემი ეზო" (1996); ფერწერა - სერია "ქართული მოტივები" (1999).
არის წიგნის ილუსტრატორი; 1982 წლიდან დასურათებული აქვს წიგნები: "რაფაელო ჯიოვანელი", "სპარტაკი", "თანამედროვე რუსი პოეტები", თ. აბულაძის ლექსების კრებულები და სხვა. თანამშრომლობდა ჟურნალ "ომეგასთან ". მონაწილეობდა გამოფენებში: პეტერბურგი (1983), ბონი, ბერლინი (1985), პრაღა, ბრატისლავა (1986), ბუდაპეშტი (1987), მოსკოვი (1987), ესტამპის მე-7 საკავშირო გამოფენა (მოსკოვი, თბილისი, 1989). მისი ნამუშევრები დაცულია მოსკოვის აღმოსავლეთის ხალხთა ხელოვნების, უნგრეთის ხელოვნების მუზეუმებში, გერმანიის, რუსეთის, იტალიის კერძო კოლექციებში.
წყარო: ვინ ვინ არის საქართველოში: ქართული ბიოგრაფიული ცნობარი. – თბ., 2006.-გვ.16; თანამედროვე სახვითი ხელოვნების პორტალი: art.gov.ge
ორგანიზაციის, ასოციაციის ან ჯგუფის წევრი
- საქართველოს მხატვართა კავშირი, წევრი (1985-)