ქეთევან ციციშვილი 5 ივლისი, 1961 დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის დეკორატიული გამოყენებითი ხელოვნების განყოფილება 1983 წელს და ასპირანტურა 1985 წელს.

1987-1990წწ. მუშაობდა პედაგოგად თბილისის მოსწავლე ახალგაზრდობის სასახლეში; 1987 წლიდან თბილისის სახელმწიფო სამხატვრო აკადემიის გობელინისა და მხატვრული ქსოვილების კათედრაზე; 1985 წლიდან მონაწილეობდა გამოფენებში. მისი ძირითადი ნამუშევრებია: "პორტრეტები" (1982), "ჩიტები" (1983), "ნატვრის ხე" (1983),

"შებინდება" (1984), "ქართული მოტივები" (1987), "ბადე" (1996), "დეკორატიული მოტივი" (1997). მონაწილეობდა გამოფენებში: ჩიკაგო (1987), თბილისის მხატვრის სახლი (1988), სეგ (1990, 1997), გობელენისა და ქსოვილების III საერთაშორისო ტრიენალე (ბელგია, 1993), თბილისის სახელმწიფო სამხატვრო აკადემია (1993, 2000), თბილისის ტრანსკავკასიის კლუბი (1997), ინტერნაციონალური ტექსტილის გამოფენა "გზაჯვარედინი" (ქარვასლა, 2000), ინტერნაციონალური გამოფენა (პოლონეთი, 2001), ტექსტილის საერთაშორისო სიმპოზიუმი (თბილისი, 2003), ეროვნული გალერეა (2003), გამოფენა მხატვრული კავშირის იუბილესთან დაკავშირებით, (ქარვასლა, 2004), სეგ (2005), საერთაშორისო სიმპოზიუმი, (ქარვასლა, 2005). მისი ნამუშევრები დაცულია კერძო კოლექციებში. თბილისის სახელმწიფო სამხატვრო აკადემიის ქსოვილების კათედრის პედაგოგი, დოცენტი.

წყარო: ვინ ვინ არის საქართველოში: ქართული ბიოგრაფიული ცნობარი. – თბ., 2006.-გვ.546