რომანოზ უშანგის ძე ლომიძე 1963 06 ნოემბერი 1993 წწ გარდ. ტამიში ოჩამჩირე აფხაზეთი დაბ ახალციხე
დაიბადა 1963 წლის 16 თებერვალს ახალციხის რაიონის სოფელ კლდეში.
1980 წელს დაამთავრა საშუალო სკოლა, 1982-84 წლებში მსახურობდა საბჭოთა არმიის რიგებში. 1984 წლიდან მუშაობდა საკონსერვო ქარხანაში, წყალთა მეურნეობაში, მშენებლობაზე და, ბოლოს, კოოპერატივ „მშენებელში“ – 1992 წლამდე. 1992 წლის 10 ოქტომბერს გაიწვიეს აფხაზეთში. კარგად გვახსოვს ოჯახის წევრებს ეს გაწვევის დღე. რომანთან ერთად გაძახებული იყო მისი ძმა მურმანი. ხუთი ძმიდან ორი გაიძახეს. რომანმა გაწვევის პუნქტში სთხოვა კომისარს; „ჩემი ძმა დატოვეთ, მას პატარა ბავშვები ჰყავს და მე წამიყვანეთო“.
ასეთი ერთგული იყო ბრძოლაშიც. იგი იბრძოდა სოფელ ტამიშთან. 8 მებრძოლი იცავდა მდინარე გუმისთაზე ხიდს, 26 ოქტომბრის ორშაბათი დილა თენდებოდა,როდესაც ხიდს თავს დაესხნენ, საგუშაგო განაწილებული ჰქონდათ. ხიდის ერთ მხარეს ოთხნი იდგნენ, მეორე მხარესაც ოთხნი. ცეცხლი პირველ ოთხეულს გაუხსნეს, რომანი კი მეორე ოთხეულში იმყოფებოდა. ის და მისი ერთი მებრძოლი გადახოხდნენ მეორე მხარეზე მყოფთათვის მისახმარებლად. ამ დროს დარჩენილ ორ მათს ამხანაგს დაუშინეს ცეცხლი, რომანი უკან გამობრუნდა მათკენ,მაგრამ ის ორი იქ არ დაუხვდა, ისინი უკვე მეორე მხარეს გადასულან. მას ამ მომენტში მარტოს მოუხდა ბრძოლა, საგუშაგო არ დაუტოვებია და იბრძოდა სისხლის უკანასკნელ წვეთამდე. თავისი სიცოცხლის ფასად გადაარჩინა ხიდი აფეთქებას, იგი იბრძოდა და დაიღუპა საქართველოს ტერიტორიული მთლიანობისათვის.
უკვდავია მისი სახელი.
ინფორმაცია მოგვაწოდადავით ფეიქრიშვილი დ.1966წ. ვეტარანთა დეპარტამენტი დ. ახალციხე