დაიბადა 1967 წლის 1 ივნისს ქ. რუსთავში.

მამამისი – გიორგი თედოს ძე ლომიძე წარმოშობით იყო სოფ. სკრადან (გორის რაიონი). პროფესიით მძღოლი, გარდაიცვალა 1980 წელს.

დედა – ციური ალექსის ასული ელბაქიძე დიასახლისია,

1974 წელს სწავლა დაიწყო გარდაბნის მე-4 საშუალო სკოლაში. 1982 წელს დაამთავრა 8 კლასი და იმავე წელს სწავლა განაგრძო რუსთავის პროფტექნიკურ სასწავლებელში, რომელიც დაამთავრა 1985 წელს და მუშაობა დაიწყო თბილისის თბოელექტროსადგურში, 1985 წლის შემოდგომაზე გაიწვიეს საბჭოთა არმიის რიგებში, სადაც დაამთავრა უმცროს მეთაურთა სასწავლებელი და მსახურობდა ასეულის უფროსის მოადგილედ. დემობილიზაციის შემდეგ დაუბრუნდა თბოელექტროსადგურს და იმუშავა 1992 წლის მაისამდე. მაისში შევიდა რუსთავის ეროვნული გვარდიის მე-12 ბატალიონში, სადაც იყო ოცმეთაური, ორი თვე იბრძოლა სამაჩაბლოში, აგვისტოში გადაიყვანეს აფხაზეთში, სადაც 1 სექტემბერს დაიღუპა მდინარე გუმისთასთან ბრძოლაში უფროსი ლეიტენანტის ჩინით. ჩამოასვენეს და დაკრძალულია გარდაბანში,