ნუგზარ ანზორის ძე ლომიძე 1971-11 ნოემბერი 92 წწ გარდ. ტამიში ოჩამჩირე აფხაზეთი დაბ. ახალციხე

დაიბადა 1971 წლის 11 ივლისს ახალციხის რაიონის სოფელ კლდეში.1978 წელს შევიდა კლდის რვაწლიან სკოლაში, რომელიც 1986 წელს დაამთავრა, შემდეგ კი სწავლა განაგრძო ახალციხის პროფესიულ-ტექნიკურ სასწავლებელში, 1990 წელს ამ სასწავლებლის დამთავრების შემდეგ მუშაობდა ჯერ ასპინძის რაიონის სოფელ ჭომარეთში, ხოლო შემდეგ კლდის საზოგადოებრივ მეურნეობაში – ტრაქტორისტად.

1992 წლის 24 მაისს ნუგზარი გაიწვიეს სავალდებულო სამხედრო სამსახურში, მოხვდა ქ. თბილისის ქაქუცა ჩოლოყაშვილის სახელობის პოლკში. საბრძოლო ნათლობა მიიღო ქ. ცხინვალში, 1992 წლის 14 აგვისტოდან იმყოფებოდა ქ. სოხუმში, სადაც ქ. ჩოლოყაშვილის სახელობის პოლკი მალე ჩაება გადამთიელებთან ბრძოლაში, ბრძოლის დაწყების დღიდან ნუგზარს დაუწყია სამხედრო მოქმედებებზე ბლოკნოტში ჩანაწერების კეთება. აგვისტოს მიწურულს მისი პოლკი ბრძოლის წინა ხაზზე გავიდა, მას იქ დაეღუპა ახალციხელი მეგობარი,რომელიც თავის საგაზრდილოში ჩამოასვენა, მშობლებიც მოინახულა და თავის ნაწილში დაბრუნდა, მას დღიურში აღწერილი აქვს მისი მონაწილეობით 5 ნოემბრამდე ჩატარებული საბრძოლო ოპერაციები, ხოლო 6-ში მძიმედ დაიჭრა და მოათავსეს ოჩამჩირის საავადმყოფოში, აქედან კი გადაიყვანეს ქუთაისის საავადმყოფოში, სადაც მის გადასარჩენად ძალ-ღონე არ დაუზოგავთ, მაგრამ, ვაირომ, ვერაფერი უშველეს.

ნუგზარ ლომიძე სიკვდილის შემდეგ დაჯილდოვდა ვახტანგ გორგასლის III ზარისხის ორდენით.

ინფორმაცია მოგვაწოდადავით ფეიქრიშვილი დ.1966წ. ვეტარანთა დეპარტამენტი დ. ახალციხე