ზვიად ლომიძე დაიბადა 1971 წლის 6 დეკემბერს ქ. სოხუმში. დაამთავრა საშუალო სკოლა და გაიწვიეს სამხედრო სავალდებულო
სამსახურში.დემობილიზაციის შემდეგ სწავლის გაგრძელება სურდა, მაგრამ აღარ დასცალდა. ომი გაჩაღდა აფხაზეთში. ზვიადი უყოყმანოდ ჩაეწერა მოხალისედ 23-ე მოტომსროლელი ბრიგადის მე-2 ბატალიონში. სოხუმის გარეუბანში გამართული ბრძოლების დროს დაიჭრა.ბედისწერამ საოცარი სიკვდილი არგუნა– მძიმედ დაჭრილი მეგობარი ბრძოლის ველიდან რომ გამოყავდა,
სეპარატისტების ნასროლი სნაიპერის ტყვია მოხვდა, რის შედეგადაც აგუძერის სამხედრო ჰოსპიტალში გარდაიცვალა.
სიცოცხლის ბოლო წუთებამდე იმეორებდა: არაფერს ვნანობ, მე ჩემი ვალი მოვიხადე საქართველოს და ქართველების წინაშეო. 1993 წლის 25 სექტემბერს დაასრულა ზვიადმა თავისი ხანმოკლე, მაგრამ გმირული სიცოცხლე, ბოლო წუთამდე ღიმილი არ მოშორებია სახეზე.
უსაზღვრო მწუხარება დაუტოვა თავისი ოჯახის წევრებსა და ნათესავებს.ალალი იყოს აფხაზეთის მიწა, რომლისთვისაც მან სისხლი დაღვარა და რომელიც გულზე აყრია.
