მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
აკაკი ვლადიმერის ძე თოდუა დაიბადა 1953 წლის 5 იანვარს გულრიფსის რაიონის სოფელ ვარჩეში. 1960-1971 წლებში სწავლობდა სოფელ ვარჩეს საშუალო სკოლაში. სკოლის დამთავრების შემდეგ მუშაობდა მშობლიურ სოფელში-სხვადასხვა ორგანიზაციაში.
1992 წლის 14 აგვისტოს , აფხაზეთში ომის დაწყებისთანავე აკაკი დადგა სამშობლოს დამცველთა რიგებში. ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადის მე-6 სატანკო ბატალიონის დაზვერვის ოცეულში 1992 წლის 23 სექტემბრიდან მზვერავის თანამდებობაზე. აკაკი უშიშრად იბრძოდა მდინარე გუმისთის პირას, (ქვემო ეშერაში) მტრის შემოტევების მოგერიების დროს. მას არაერთი სახიფათო დავალების შესრულებაში მიუღია მონაწილეობა ბატალიონის სადაზვერვო ოცეუთან ერთად.
აფხაზეთის დაცემის შემდეგ აკაკი თოდუამ სამსახური გააგრძელა შინაგან საქმეთა სამინისტროს აფხაზეთის სსს სპეცდანიშნულების ასეულში. 1998 წლის მარტში, აკაკი თოდუა გმირულად დაიღუპა გალის რაიონში, ერთ-ერთი საბრძოლო დავალების შესრულებისას.
აკაკი თოდუას დარჩა მეუღლე და სამი შვილი.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის აკაკი თოდუა, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით.