დაამთავრა მოსკოვის სამხედრო სასწავლებელი (1959), მ. ფრუნზეს სახელობის სამხედრო აკადემია (1968).

1954 წლიდან არმიაშია. მსახურობდა ლენინგრადის სამხედრო ოლქის საჰაერო–სადესანტო ჯარებში. 1959–1965 წლებში იყო ოცეულის, ასეულის მეთაური კიევის სამხედრო ოლქში, ოცეულის მეთაურად, ასეულის მეთაურად. 1968–1973 წლებში იმიერბაიკალეთის სამხედრო ოლქის მოტომსროლელი ბატალიონის მეთაური, პოლკის მეთაურის მოადგილე, დივიზიის მეთაურის მოადგილე, 1973 წელს დაინიშნა მოტომსროლელი დივიზიის მეთაურად მონღოლეთის სახალხო რესპუბლიკაში. 1973–1981 წლებში ჩრდილო–კავკასიის სამხედრო ოლქის კორპუსის მეთაურის მოადგილე, 1981 წლიდან აფხაზეთის ასსრ სამხედრო კომისარი და სოხუმის გარნიზონის უფროსი, 1987 წლიდან ამიერკავკასიის სამხედრო ოლქის ჯარების სარდლის მოადგილე უმაღლესი სასწავლებლებისა და ჯარსგარეშე მომზადების დარგში. ამავე პერიოდში მან დაამთავრა ქ. სოხუმის სახელმწიფო უნივერსიტეტის ისტორიული ფაკულტეტი. 1991-1992 წლებში მონაწილეობდა საქართველოს სამხედრო სტრუქტურების ჩამოყალიბებაში. 1992 წლიდან იყო ეროვნული უშიშროებისა და თავდაცვის საბჭოს თავმჯდომარესთან და მთავარსარდალთან არსებული სამხედრო კონსულტანტ-ინსპექტორების ჯგუფის ხელმძღვანელი და მთავარი სამხედრო მრჩეველი. ქართველი სამხედრო მოღვაწე, გენერალ-ლეიტენანტი (1993). დაჯილდოებულია სსრკ შეიარა-ღებულ ძალებში სამსახურისთვის დაჯილდოებულია III ხარისხის ორდენით, 12 მედლით.

წყარო: საქართველო: ენციკლოპედია: ტ.I.–თბ., 1997.–გვ.24; სამხედრო ფიცის ერთგულნი: ქართველი გენერლები.-თბ., 2015.-გვ.105

• 1993 - ვახტანგ გორგასლის III ხარისხის ორდენი
• წითელი ვარსკვლავის ორდენი