ივანე (ვანიკო) დავითის ძე აბაშიძე (დ. 29 იანვარი [ძვ. სტ. 17 იანვარი], 1896, ქუთაისი — გ. 1937) — ქართველი მსახიობი. მსახიობ დოდო აბაშიძის მამა.
დაამთავრა ქუთაისის ქართული გიმნაზია 1918 წელს. 1920–1922 წლებში სწავლობდა თბილისის კონსერვატორიის ვოკალურ ფაკულტეტზე. 1925 წელს დაამთავრა ა. ფაღავას დრამატული სტუდია.
1924–1936 წლებში იყო შოთა რუსთაველის თეატრის მსახიობი. 1936 წლიდან იყო ლანჩხუთის თეატრის დირექტორი და სამხატვრო ხელმძღვანელი. შესრულებული აქვს შემდეგი როლები: სოლომონ მორბელაძე(ს. კლდიაშვილის "შემოდგომის აზნაურები"), იბრაჰიმი(ს. შანშიაშვილის "ანზორი"), ხაბასლო(ა. გლებოვის "ზაგმუკი"), გიორგი(ვ. კირშონის "ქართა ქალაქი"), მუნჯი სიმონა(ს. იანოვსკის "ყამირი"), თორღვაი(გ. რობაქიძის "ლამარა"), როლერი(ფ. შილერის "ყაჩაღები") და სხვ. დადგმული აქვს სპექტაკლები: შ. დადიანის "ნინოშვილის გურია"(ე. ნინოშვილის მოთხრობების მიხედვით), ს. კლდიაშვილის "შემოდგომის აზნაურები", გ. ბუხნიკაშვილის "ნაბიჭვარი"(ვ. შკვარკინის კომედია "სხვისი ბავშვის" მიხედვით). რეპრესირებული. სიკვდილის შემდეგ რეაბილიტირებულია. მსახიობ დოდო აბაშიძის მამა.